А.Ундраа: Шинжлэх ухаан, технологийн хөгжил бол улсын хөгжлийн гарц юм

Улсын их хурлын өнөөдрийн /2019.04.25/ нэгдсэн хуралдаанаар “Шинжлэх ухаан, технологийн тухай хуульд нэмэлт, өөрчлөлт оруулах тухай” хуулийн төслийг хэлэлцэж байна. хэлэлцүүлгийн үеэр УИХ-ын гишүүд асуулт асууж, байр сууриа илэрхийллээ.

УИХ-ын гишүүн А.Ундраа:

"Одоо хэлэлцэж байгаа Шинжлэх ухаан, технологийн тухай хуульд нэмэлт өөрчлөлт оруулах хуулийн төсөлд хангалттай сайн өөрчлөлтүүд оруулж чадаагүй гэж би харж байна. Зарим гишүүдийн хэлж байгаагаар боловсруулсан өөр төсөл орж ирэх үед хамтадгаад илүү сайжруулах боломжтой болно гэж найдаж байна.

Монгол Улсын хувь шинжлэх ухаан, технологийн хөгжил бол улсын хөгжлийн гол гарц юм. Хувийн хэвшлийнсудалгаа хөгжүүлэлтэд зарцуулж байгаа мөнгийг төрөөс олж хараад думжлэг үзүүлж урамшуулах, бодлогоор дэмжих, инноваци, оюуны өмчийн эрхийг хэн эзэмших зэрэг зохицуулалтыг дутуу оруулсан санагдаж байна.

Цаашлаад ШУ-ын академийн тухай хууль орж ирнэ. Энэ хуульд ч сайжруулах зүйл байна.

Шинжлэх ухааныг дээд боловсролтой салшгүй холбоотой. Тиймээс ажлын хэсэг илүү сайн ажлаасрай гэж хэлье."