Бат-Эрдэнэ.Б 2019.05.01 | Vip76.mn

Б.Бат-Эрдэнэ: Мал аж ахуй, газар тариалан хоёр зэрэгцсээр асар их зөрчил үүсгэж байна

УИХ-ын Байгаль орчин, хүнс, хөдөө аж ахуйн байнгын хорооны өнөөдрийн /2019.05.01/ хуралдаанаар Мал төллөлт болон хаваржилтийн талаарх Хүнс, хөдөө аж ахуй, хөнгөн үйлдвэрийн сайдын мэдээлэл сонслоо.

Энэ үеэр УИХ-ын гишүүн Б.Бат-Эрдэнэ:

 2008-2012 онд Монгол мал хөтөлбөр малчдын талаар төрөөс баримтлах бодлого гэж 2 чухал хөтөлбөр батлуулсан. Өнөөдөр энэ хөтөлбөрүүдийн хэрэгжилт ямар түвшинд явж байгаа вэ?

Монгол орны эдийн засгийн гол тулгуур МАА,газар тариалан ялангуяа энэ мал аж ахуй руу чиглэсэн хоёр том хөтөлбөрийн хэрэгжилтэд анхаарал хандуулан ажиллаарай.

2012-2016 оны парламентын үед Газар тариалангийн хууль орж ирсэн. Гэтэл одоо энэ хууль хэрэгжихэд үнэхээр хүндрэлтэй зүйлүүд гарч байна. Энийг яаж засах вэ?

Мал аж ахуй, газар тариалан хоёр зэрэгцсээр байна. Асар их зөрчил байна. Газар тариалангийн компани газраа хашах үүрэгтэй байвч малчдаас малыг нь авч байна. зөрчилүүд маш их гарч Монгол ахан дүүс маргалдаж байна.