Их тэнгэрийн аманд байгалын түүхийн музейг барих шийдвэрийг Засгийн газрын хуралдаанаар гаргасан.

Гэвч газар олдох эсэх нь эргэлзээтэй болоод байгаа юм.

Энэ талаар ЗГХЭГ-ын дарга Л.Оюун-Эрдэнэ хэлэхдээ

“Асем гээд бас нэг хэдэн авлигачид нийлээд Их тэнгэрийн амны газрыг авчихсан байна. Та нар шалгаад үзээрэй. Нийслэлийн ЗДТГ-ын барилгыг авчихсан. Драммын театрын ар талын газрыг бас авчихсан.Найрамдал зуслангийн урд талын газрыг бүхэлд нь хуваагаад авчихсан байгаа. Их тэнгэрт хүртэл газар олголт явуулаад аялал жуулчлалын төв барина гэж байна. Түүнийг нь цуцлаад Байгалийн түүхийн музей барина гэсэн шийдвэрийг гаргасан юм. М.Батсуурь гэдэг хүн энэ хэргийг яаж шүүхийг би харъя гэж бодож байгаа юм. Төрийн ордон ч өмчлөгдчихсөн байж магадгүй. Их тэнгэрийн амны таван га газрыг зарчихсан байсан” хэмээн мэдээллээ.