Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны өнөөдрийн (2019.06.04) хуралдаанаар Залуучуудын хөгжлийг дэмжих тухай хуулийн хэрэгжилтийг шалгаж, санал, дүгнэлт гаргах, шийдвэрийн төсөл боловсруулах ажлын хэсэг байгуулах асуудлыг хэлэлцэв. 

Уг Ажлын хэсгийн ахлагчаар Улсын Их Хурлын гишүүн Н.Учралыг томилов. Бүрэлдэхүүнд нь Улсын Их Хурлын гишүүн О.Баасанхүү, Б.Саранчимэг, Г.Мөнхцэцэг, Я.Санжмятав, Б.Ундармаа нар ажиллахаар болсон бөгөөд энэ талаарх Байнгын хорооны тогтоолын төслийг баталлаа.

Залуучуудын хөгжлийг дэмжих тухай хууль нь 2017.05.18-ны өдөр батлагдсан билээ. Уг хуулийн төслийг тухайн үед УИХ-ын гишүүн, Хөдөлмөр, нийгмийн хамгааллын сайд Н.Номтойбаяр санаачилсан бол УИХ-ын ажлын хэсгийн ахлагчаар Н.Учрал ажилласан юм.