Х.Нямбаатар: Улс төрийг мөнгөний хань хамааралгүй болгоё гэвэл пропорциональ нь илүү
2019.08.16

Х.Нямбаатар: Улс төрийг мөнгөний хань хамааралгүй болгоё гэвэл пропорциональ нь илүү

УИХ-ын гишүүн Х.Нямбаатараас Сонгуулийн хуулийн талаар цаг үеийн асуудлаар тодруулга авлаа. 

Тэрбээр: Нийт олон түмэнд нэр муутай, оффшорчин, авлигачин, гэмт хэрэгт холбогдож байсан хүмүүсийг нийт ард түмэн шүүнэ гэсэн агуулгаар төсөл орж ирж байгаа.

Улс төрийг мөнгөний хань хамааралгүй болгоё гэвэл пропорциональ нь илүү. Тухайлбал, би сонгогчдоос шууд санал авахгүй, намын нэрээр санал аваад ирэхээр нэр дэвшигч болгон мөнгө тараах боломжгүй, энэ мөнгөний хамаарлыг зогсоох арга бол тогтолцооны л асуудал. Энэ нь батлагдвал 2020 оны долдугаар сарын нэгнээс хамаарахгүй, 2024 он эсвэл 2028 онд явагдах байх.

Нэг зүйлийг бид эргэж харах ёстой. Нийгэм хөгжихийн хэрээр тухайн харилцааг зохицуулж буй хуулиуд уялдаж хөгжих ёстой. Нийгэм өөрөө амьд организм. 2000 оны үед кибер гэмт хэрэг, сошиал орчин байгаагүй. Гэтэл өнөөдөр энэ харилцааг хуулиар зохицуулах ёстой болсон. Тиймээс сонгуулийн хуулийг ч өөрчилж явах нь зүй ёсны зүйл мөн.