2019.08.30

Ц.Даваасүрэн: Төсөв санхүүтэй холбоотой юм бүрийг Үндсэн хуульдаа оруулаад байж болохгүй

УИХ-ын ээлжит бус чуулганы /2019.08.30/ өнөөдрийн үдээс хойших нэгдсэн хуралдаан эхэллээ.

Ээлжит бус чуулганы үдээс хойших нэгдсэн хуралдаанаар улс орны эдийн засаг, нийгмийн хөгжлийн бодлого, төрийн санхүү, зээл, албан татвар, улсын төсвийг хэлэлцэж батлах, төрийн санхүү, төсвийн хяналтыг хараат бусаар хэрэгжүүлэхтэй холбогдсон төслийн талаарх зарчмын зөрүүтэй саналуудын томьёоллоор санал хураалт явуулж гишүүд үг хэлж байр сууриа илэрхийлж байна.

Хуралдаанаар 150 гаруй зарчмын зөрүүтэй саналын томьёоллоор санал хураалт явуулж, санал бүр дээр гишүүд үг хэлж, саналаа илэрхийлж байгаа юм.

УИХ-ын гишүүн Ц.Даваасүрэн:

"Төсөв санхүүтэй холбоотой юм бүрийг Үндсэн хуульдаа оруулаад байж болохгүй. Хямралтай үе ирж болно. Зээл аваад даваад гарах ёстой. Амьдрал баян.

Мөн ДНБ гэдэг нь нэрлэсэн үнээр юм уу? одоогийн үнэ цэнээр үү гэдэг нь тодорхойгүй байна. Нэрлэсэн үнээр байвал маш осолтой болно. Тиймээс найруулгын хувьд илүү тодорхой болгох ёстой."