УИХ-ын 2019 оны ээлжит бус чуулганы өнөөдрийн /2019.09.12/ нэгдсэн хуралдаанаар Засгийн газраас 2019 оны 07 дугаар сарын 24-ний өдөр өргөн мэдүүлсэн БНМАУ-ын Засгийн газар, ЗСБНХУ-ын Засгийн газар хоорондын 1971 оны 07 дугаар сарын 29-ний өдрийн протокол болон БНМАУ-ын Засгийн газар,  ЗСБНХУ-ын Засгийн газар хоорондын 1979 оны 09 дүгээр сарын 11-ний өдрийн хэлэлцээрт нэмэлт, өөрчлөлт оруулах тухай Монгол Улсын Засгийн газар, Оросын  Холбооны Улсын Засгийн газар хоорондын ноот бичиг соёрхон батлах тухай хуулийн төслийг хэлэлцлээ. 

Энэ үеэр УИХ-ын гишүүн Ц.Мөнх-Оргил

Маш чухал асуудлыг УИХ хэлэлцэж байгаа тул протоколд ганц хоёр санал тусгая гэж бодож байгаа юм. Маш олон жил маш олон хүний нөр их хөдөлмөрөөр бүтэж байгаа энэ чухал асуудлыг УИХ анхааралдаа авч тэмдэглэж энэ их ажлыг зохион байгуулж оруулж ирж байгаа ажлын хэсэгт талархалаа илэрхийлж байна.

Түрээсгүй хугацаагүй гэрээг түрээстэй хугацаатай болгож Үндсэн хууль болон бусад хуультай нийцүүлж байгаа нь чухал түүнэээс гадна  үүнийг хүсэн хүлээж байгаа Монголын 500 гаруй айл өрх байгаа. Болж өгвөл энэ УИХ-ын бүрэн эрхийн хугацаанд бүрэн шийдэж дуусгаагай гэсэн хүсэлтэй байна.