УИХ-ын гишүүн Д.Оюунхорол өнөөдөр /2019.09.17/ тойргийнхоо сургууль, цэцэрлэгийн удирдлагуудтай уулзаж, санал хүсэлтийг нь сонслоо.

Багш, удирдлагуудын зүгээс сургууль орчмын орц, гарц, зам, хүүхэд тоглох орчныг тохижуулах, багш нарын цалинг төсөв баталснаас хойш нэмсэн тул бүх сургууль цэцэрлэгт өр хуримтлагдсан талаар ярьж байна.

Арын ажлыг цаг алдалгүй амжуулж байдаг цахилгаанчин, үйлчлэгч, мужаан, слесарь, тогооч, туслах тогооч, жижүүр гээд туслах ажилчдын өнөөгийн авч байгаа 432 мянган /гар дээрээ 350 мянгыг авч байна/ төгрөгийн цалинг нэн тэргүүнд нэмэгдүүлэх шаардлагатай байна гэлээ.

Мөн уулзалтаар Д.Оюунхорол гишүүн багш нартай Үндсэн хуульд оруулж байгаа нэмэлт өөрчлөлт болон ард нийтийн санал асуулгын талаар санал бодлоо солилцлоо.

Уулзалтын дараа цэцэрлэг, сургуулийн удирдлагуудад сурагчдын хичээлийн хэрэглэл болон иж бүрэн компьютер гардууллаа.