Монголын үндэсний бөхийн холбоо тойрсон маргаанд цэг тавьсан талаараа "Гацуурт" компанийн захирал Л.Чинбат өөрийн цахим хуудсаар дамжуулан өчигдөр мэдэгдлээ.

Тэрбээр яруу найрагч Ү.Хүрэлбаатар нарын хамт өмнө нь Р.Нямдорж, Д.Данзан нарын тэргүүлж байсан буюу өдгөө Дархан аварга, УИХ-ын гишүүн Б.Бат-Эрдэнийн удирдаж буй холбоог хууль бус хэмээн үзэж, үндсэндээ Бөхийн холбоо хоёр хуваагдан хэн нь тэргүүн болох нь тодорхойгүй байдал үүсч байсан.. Тэгвэл "Гацуурт" компанийн захирал Л.Чинбат өнөөдөр /2019.09.17/ Б.Бат-Эрдэнэ аваргад хадаг барьж, тамгыг гардуулан, дараах мэдэгдлийг хийснээ олон нийтийн сүлжээгээр тараажээ.

Тэрбээр "Монголын үндэсний бөхийн олон жилийн талцал хуваагдалд цэг тавьлаа. Цаашид үндэсний бөхийг зангидаж явна гэж итгэж Дархан аварга Б.Бат-Эрдэнэд МҮБХ-ны албан ёсны тамга тэмдгийг хүлээлгэж өглөө. Та бүхнийхээ цаашдын ажил хөдөлмөрт амжилт бүтээлийн дээдийг хүсэн ерөөе" гэсэн байв.