2019.10.11 | Vip76.mn

Сонгогч та УИХ-ын гишүүдэд ҮНЭЛГЭЭ өгөөрэй

Сонгогч та УИХ-ын гишүүдэд ҮНЭЛГЭЭ өгөөрэй

2016 оны УИХ-ын ээлжит сонгуулийн үр дүнд байгуулагдсан одоогийн Улсын Их Хурал бүрэн эрхээ хэрэгжүүлэх хугацаа 10 сарын дараа дуусгавар болох гэж байна. 

Ард түмний итгэлийг хүлээж, төрд төлөөлөн суугаа та бидний сонгосон гишүүд өнгөрсөн хугацаанд хууль батлах, сонгогдсон тойрогтоо хэрхэн ажилласныг дүгнэхээр Vip76.mn цахим хуудас сонгогчид болон экспертүүдийн саналаар УИХ-ын гишүүний хийсэн ажилд дүн тавих санал асуулгыг эхлүүлж байна. 

Парламентийн гишүүдэд итгэх иргэдийн итгэл суларсан ч 76 гишүүдийн дунд нийгэмд нэн шаардлагатай хууль, эрх зүйн орчныг бүрдүүлэх ажилд чадварлагаар оролцон ажилласан, төр, ард түмэндээ өргөсөн тангарагтаа үнэнч байсан парламентийн гишүүд цөөнгүй бий. Тэднийг сонгогчдын санал асуулгын үнэлгээгээр шалгаруулан, олон нийтэд мэдээллэх болно.  

УИХ-ын гишүүдэд үнэлгээ өгөх энэхүү санал асуулга цахим хуудсанд 2019 оны 10 дугаар сарын 07-ний өдрөөс эхлэн нээгдэж, нэг сарын хугацаанд үргэлжилнэ. Санал асуулгад сонгогч та зөвхөн өөрийн фэйсбүүк хаягаараа нэвтэрч, нэг удаа санал өгөх юм.  

Санал асуулга 1 сар үргэлжилнэ.

Хэрвээ та салбартаа олон жил ажилласан, мэргэжлийн эксперт бол энэхүү санал асуулгад оролцохдоо экспертээр бүртгүүлэн саналаа өгнө үү. Таны үнэлгээ 5 сонгогчийн саналтай дүйцэх болно. 

Та саналаа өгөхөөсөө өмнө өнгөрсөн 3 жилийн хугацаанд хууль батлах үйл ажиллагаа болон тойрогтоо ажилласан байдлын талаарх дэлгэрэнгүй мэдээллийг уншиж танилцсаны дараа үнэлгээгээ өгөөрэй. 

Энэхүү санал асуулгаар төрийн түшээд ард түмний элчийн хувьд хэрхэн ажилласныг олон нийтэд танилцуулахаас гадна 2020 оны УИХ-ын ээлжит сонгуульд сонгогчид хариуцлагатай хандахад дөхөм болох юм. 

Сонгогч та санал асуулгад идэвхтэй оролцоно уу. Энд дарж орно уу.