УИХ-ын 2019 оны ээлжит бус чуулганы өнөөдрийн /2019.10.01/ үдээс хойших нэгдсэн хуралдаанаан эхэллээ.

Хуралдаанаар Монгол Улсын 2018 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2018 оны төсвийн гүйцэтгэлийг батлах тухай” тогтоолын төслийн анхны хэлэлцүүлгийг хийж байна. Хэлэлцэж буй асуудалтай холбогдуулан УИХ-ын гишүүд асуулт асууж, саналаа хэллээ.

УИХ-ын гишүүн Б.Бат-Эрдэнэ:

"Сангийн сайдын илтгэлээс харахад Монгол Улсын төсвийн гүйцэтгэл харьцангуй сайн байгаа нь харагдаж байна. Харин Ерөнхий Аудиторын илтгэлд асуудалтай зүйлсүүд харагдаж байна. Ялангуяа Капитал банктай холбоотой 250 тэрбум гаруй төгрөг эргэн төлөгдөх эсэх нь тодорхойгүй байна. Энэ бол өнөөдөр үүссэн биш өмнө нь ч гарч байсан. Үүнийг монголын төр, ард түмэн хүлээгээд дуусдаг. Энэ асуудлыг барагдуулах боломж байна уу? 

АСЕМ-тэй холбоотой аудитын ажилтан 70 гаруй тэрбум төгрөгийн зөрчил илэрсэн гэж мэдэгдэж байсан. Харин хлбогдох эзэд нь бид үүнд хамаагүй гээд мэдэгдээд өнгөрсөн. Энэ асуудал юу болсон бэ? Төрийн нэрийн өмнөөс үйл ажиллагаа явуулж байгаа аудитын байгууллага энэ асуудлаа ямар шатанд хүрсэн бэ? Үнэн болсон уу худал юм уу?

Ер нь Улсын Аудитын газраас шалгалт хийгддэг. Зөрчил дутагдал жил бүр л гарч байдаг. Холбогдох эзэнтэй нь ямар хариуцлага тооцдог вэ? шалгалтын мөрөөр асуудал арилсан зүйл бий юу?"

Түүний асуултад Сангийн сайд Ч.Хүрэлбаатар, Монгол Улсын Ерөнхий Аудитор Д.Занданбат хариуллаа.