Баттөмөр.Б 2019.10.01 | Vip76.mn

Б.Баттөмөр: Эдийн засагт эерэг зүйлс харагдаж байна

УИХ-ын 2019 оны ээлжит бус чуулганы өнөөдрийн /2019.10.01/ үдээс хойших нэгдсэн хуралдаанаан эхэллээ.

Хуралдаанаар Монгол Улсын 2018 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2018 оны төсвийн гүйцэтгэлийг батлах тухай” тогтоолын төслийн анхны хэлэлцүүлгийг хийж байна. Хэлэлцэж буй асуудалтай холбогдуулан УИХ-ын гишүүд асуулт асууж, саналаа хэллээ.

УИХ-ын гишүүн Б.Баттөмөр:

"Өнгөрсөн хугацаанд эдийн засагт юу болсоныг дүгнэн харахад эерэг зүйлс багагүй байна. Монгол Улсын төсөв анх удаа ашигтай гарч, тэнцвэржүүлсэн тэнцэл нь 27,9 тэрбум төгрөгт хүрсэн байна. Ийм хэмжээний ашигтай гарч байсныг би хувьдаа санахгүй байна. 2010 оноос хойш анх удаа л ийм байна. Бид 2010 оноос хойш эх орноо зөв авч явсан бол үүнээс ч өндөр ашигтай гарах байсан. Ард түмний амьдрал ч сайжрах боломж байлаа. Харамсалтай нь чадсангүй. Өнөөдөр гэхдээ төсвийн тэнцэл ийм сайн гарсан байна.

Төсвийн тогтворжуулалтын санд 207 тэрбум төгрөг байна. Ирээдүй өв санд 600 гаруй тэрбум төгрөг орсон гэхээр боломжийн үр дүн гарч байна. Хэдэн асуулт байна.

  • Төлбөрийн тэнцэл 141,7 сая долларын алдагдалтай байна. Урсгал дансны алдагдал 2,2 тэрбум доллараар нэмэгдсэн байна. Энэ ч банкны үлдэгдэл шилжүүлэгтэй холбоотой байх. Монголбанк үүнийг тайлбарлана уу?
  • Гадаад худалдаа 1,1 тэрбум долларын ашигтай байна. Экспорт 7 тэрбум, импорт 5,9 тэрбум доллар. Энэ 7 тэрбум доллараас бодитой орж ирсэн нь хэд вэ?
  • Эдийн засгийн идэвхжилт сэргэж, импорт 35,5% өссөн гэж байна. Монгол Улс сүүлийн 30 жил худалдааны бодлогогүй өөрсдөө хийхгүй гаднаас авсаар ирсэн. Худалдаа өнөөдөр хэрхэн явагдаж байна. Хуучны муу нэртэй социалист нийгэм өөрсдөө бүгдийг үйлдвэрлэдэг л байсан. Өнөөдөр худалдааны бодлого гэжзүйл байна уу?
  • Өнгөрсөн жилүүдэд хийгдсэн бодитой ажлуудын нэг бол НӨАТ-ын урамшуулал юм. Энэ системийг илүү боловсронгуй болгох чиглэлд юу хийж байна вэ?
  • Ирээдүйн өв сангийн хэмжээ хэр банйа вэ? Үүний менежментийг хэрхэн явуулж болохыг асуумаар байна."

Түүний асуултад Сангийн сайд Ч.Хүрэлбаатар хариуллаа.