УИХ-ын 2019 оны ээлжит бус чуулганы өнөөдрийн /2019.10.01/ үдээс хойших нэгдсэн хуралдаанаан эхэллээ.

Хуралдаанаар Монгол Улсын 2018 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2018 оны төсвийн гүйцэтгэлийг батлах тухай” тогтоолын төслийн анхны хэлэлцүүлгийг хийж байна. Хэлэлцэж буй асуудалтай холбогдуулан УИХ-ын гишүүд асуулт асууж, саналаа хэллээ.

УИХ-ын гишүүн Ц.Гарамжав:

"Өнгөрсөн 2018 онд эдийн засаг сүүлийн 4 жилийн хугацаанд 6,9%-ийн өсөлттэй байсан. Мөн инфляци ч зорилтот түвшинд байна. Ажилгүйдлийн түвшин буурч, экспорт нэмэгдсэн байна. 2018 оны Улсын төсвийн хөрөнгө оруулалтаар хийгдсэн ажлыг өмнөх онуудтай харьцуулахад 86,3% байна. Энэ хөрөнгө оруулалтын ажлууд нь аль салбар давамгайлсан бэ? Сүүлдийн 4 жилд нийгэм, ард иргэдэд нэн чухал ямар хөрөнгө оруулалт хийгдсэн бэ?

Цэвэрлэх байгууламжийн хөрөнгө оруулалт, ажлын яву ямар байна вэ? Нефть боловсруулах үйлдвэрийн хөрөнгө оруулалт Энэтхэгийн зээлээр хийгдэж байгаа. Энэ зээл нийт зээлийн альт ангилалд хамаарч байна вэ? Эдгээр томоохон төслүүдийн явцын хяналт хэрхэн хийгдэж байгаа вэ? Олон улсын экспертийн байгууллага хянаж байна уу? Томоохон бүтээн байгуулалтын ажлын явцын хяналт маш чухал юм. Үүнийг анхаараарай.

Одоогоор хичнээн сан байгаа вэ? сангуудын үр өгөөж ямар байна вэ? Сангаас зээл авахыг хүссэн иргэд олон байна. Зээл олгох хүнд суртал арилсан уу? Сангийн яам хяналт тавьж байна уу?

Тэтгэврийн зээлийн хүүг бууруулсан. Гэтэл зарим газар үйлчилгээний хүү буурахгүй байна гэж иргэд хэлээд байна. Энэ ямар учиртай вэ?"

Түүний асуултанд Сангийн сайд Ч.Хүрэлбаатар хариуллаа.