2019.10.01

Д.Оюунхорол: Эдийн засгийн өсөлтийг иргэдийн амьдралд хэрхэн хүргэх вэ?

УИХ-ын 2019 оны ээлжит бус чуулганы өнөөдрийн /2019.10.01/ үдээс хойших нэгдсэн хуралдаанаан эхэллээ.

Хуралдаанаар Монгол Улсын 2018 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2018 оны төсвийн гүйцэтгэлийг батлах тухай” тогтоолын төслийн анхны хэлэлцүүлгийг хийж байна. Хэлэлцэж буй асуудалтай холбогдуулан УИХ-ын гишүүд асуулт асууж, саналаа хэллээ.

УИХ-ын гишүүн Д.Оюунхорол:

"2018 онд Монгол Улсын эдийн засгийн өсөлт 6,9% хүрч төлөвлөсөн түвшингээс өссөн дүнтэй гарчээ. Үүнд Засгийн газар, санхүү эдийн засгийн байгууллага сайн ажилласан байна. Энэ өсөлт иргэдийн амьдралд хэрхэн мэдрэгдэх вэ? ААН, Иргэдийн орлого буурсан тухай уулзалтуудад иргэд ярьж байна. Ажлын байрыг нэмэгдүүлэх, хүү багатай, урт хугацаатай зээлийг нэмэгдүүлэх, орлого нэмэгдүүлэх чиглэлд тодорхой ажил хийгдэхгүй байгаа тухай хэлсээр байна. тиймээс энэ чиглэлд ямар ажил хийх вэ?

Тендэрийн хууль өөрчлөгдсөн. 2018 оны төсвийг харахад эрүүл мэнд, боловсролын салбарын хөрөнгө оруулалт нилээд их хэмжээгээр татагдсан. Энэ бол Сангийн яам ч биш төсвийн төлөвлөлтөд бид дутуу анхаарсан асуудал байна. нэгдсэн төсвийг зохиохдоо нийслэлийн асуудлыг дутуу тооцдог. Газар чөлөөлөлт хийгдэх төсвийг тооцохгүй учраас сургууль цэцэрлэгийн бүтээн байгуулалтад саад үүсч төсөв татагдах эрсдэл байна. Үүнийг хэрхэн засах вэ?

Худалдан авах ажиллагааг буруу зохион байгуулсан төрийн албан хаагчидтай хэрхэн хариуцлага тооцох вэ?

Гадаад зээлийн төсөл хөтөлбөрүүдийн үр дүн ямар байна вэ? Заримынх нь үр дүн бодитоор харагдахгүй, зорилтот бүлэгтээ хүрэхгүй байх нь их байна. Үүнд дүгнэлт хийнэ үү? Тэгэхгүй бол ирээдүйд үр дүнгийн төслийн зээлийн өр үлдэж байна.

Хязгаарлалттай дүгнэлт авсан ААН-д гэж гаргадаг. хариуцлагагүй, илэрхий хууль зөрчсөн ААН. Эдгээртэй хэрхэн хариуцлага тооцож байна вэ? Сангийн тоог цөөлөх нь зөв.

Улаанбаатар хотын төрийн өмчийн сургууль цэцэрлэг эрүүл мэндийн салбарын үйлчилгээний ажилтны цалингийн нэмэгдлийн талаар Сангийн сайд хэрхэн анхаарч байна вэ? Боловсон хүчний дутагдал асуудал үүсгэж байна. 280 хүүхдийн хоол хийж, 500-600 мянган төгрөгийн цалин авдаг тогооч байхгүй ээ. Энэ чиглэлд анхаараарай."

Түүний асуултад Сангийн сайд Ч.Хүрэлбаатар хариуллаа.