УИХ-ын 2019 оны ээлжит бус чуулганы өнөөдрийн /2019.10.01/ үдээс хойших нэгдсэн хуралдаанаан эхэллээ.

Хуралдаанаар Монгол Улсын 2018 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2018 оны төсвийн гүйцэтгэлийг батлах тухай” тогтоолын төслийн анхны хэлэлцүүлгийг хийж байна. Хэлэлцэж буй асуудалтай холбогдуулан УИХ-ын гишүүд асуулт асууж, саналаа хэллээ.

УИХ-ын гишүүн Л.Болд

Намрын ээлжит чуулган нээлтээ хийсэн мөн ахмадын баяр тохиож байна. Тиймээс нийт ахмадууддаа баярын мэнд хүргэе. Ахмадын баярын өдрөөр төсвийн гүйцэтгэл ярьж байгаа учир ахмадуудад зориулсан төсвийн гүйцэтгэлд яг юу юу хийгдсэн бэ? Ахмадууд сангийн сайдаасаа тодорхой мэдээлэл сонсох хэрэгтэй

Манай Шинэ нам даваа гараг бүр ажлын хэсгийн өргөтгөсөн хурал хийж байгаа. Энэ хуралдаанаар бодьтой хохирол амсаад байгаа иргэдийн санал хүсэлтийг хэлэлцдэг. Монкорд гэж хадгаламж зээлийн хоршоо 20 гаруй тэрбум төгрөгийг 3000 гаруй иргэдэд учруулсан. Энэ асуудлыг цаашаа яах вэ? Иргэдийг хохиролгүй болгох тал дээр яаралтай арга хэмжээ авах хэрэгтэй.

Мөн нарны хүү сарны охин гэж компани 300 гаруй иргэнийг 3 тэрбум орчим төгрөгөөр хохироосон хэрэг гарсан. Энэ дээр бидл өргөдөлийн байнгын хороотой хамтран ажлы хэсэг багуулж ажиллах бодолтой байна. Ийм асуудлууд дээр УИХ анхаарахгүй шаардлага байна.

Өчигдөр Шинэ намын зөвлөлийн хурлаар төрийн албанаас хууль бусаар халагдсан иргэдийн асуудлыг ярилцсан. Өнгөрсөн 2 3 жилийн хугацаанд гэхэд л халагдсан иргэдийн нөхөн олдговор шүүхээр тогтоогдсон 6,8 тэрбум төгрөг олгосон. Ингээд төсөв хохироод байдаг. Энэ оноос хэд гарах гэж байгаа юм яаж энийг хааж сонгуулийн үр дүнгээр амьдралыг нь хохироодог энэ тал дээр цаашид яах вэ?

Музейн барилга нураах шинээр барих, театрын барилга нураах ийм асуудал дээр өнөөдөр гарын үсэг цуглуулаад залуучууд эсэргүүцээд явж байна. Энэ дээр ямар төсөв гарч байгаа юм бэ? Үнэхээр нураах ёстой болчихоод байгаа юм уу өв соёлоо устгах гээд байгаа юм уу?

Л.Болд: Төсвийн гүйцэтгэлд ахмадуудад зориулсан ямар ажлууд хийгдсэн бэ?