Олон улсын болон Монголын ахмадын өдрийг тохиолдуулан Эрүүл мэндийн сайд Д.Сарангэрэл, Дэд сайд Л.Бямбасүрэн, яамны  газар хэлтсийн дарга нар өнөөдөр  Эрүүл мэндийн яамнаас насны тэтгэвэрт гарсан ахмадуудыг хүндэтгэн хүлээн авч уулзлаа.

Эрүүл мэндийн сайд Д.Сарангэрэл, ахмадуудаа баярын мэндчилгээ дэвшүүлээд, эрүүл энх, урт удаан наслахыг хүслээ.  Тэрээр эрүүл мэндийн салбарт хийж, хэрэгжүүлж буй ажлынхаа талаар танилцуулаад тэдний үнэтэй санал, зөвлөмжийг сонслоо.

Яамны удирдлагуудын зүгээс ахмадаа ачилж баяр ёслолоор тогтмол хүндэтгэл үзүүлж байдагт баярлаж явдгаа ахмадуудын төлөөлөл хэлж байсан юм.