ХХААХҮЯ-ны удирлагууд ахмадууддаа хүндэтгэл үзүүллээ
2019.10.02

ХХААХҮЯ-ны удирлагууд ахмадууддаа хүндэтгэл үзүүллээ

Хүнс, хөдөө аж ахуй, хөнгөн үйлдвэрийн сайд Ч.Улаан, Дэд сайд Ж.Сауле тэргүүтэй газрын дарга нар салбарынхаа ахмадуудыг  хүлээн авч, хүндэтгэл үзүүллээ.

 

ХХААХҮ-ийн сайд Ч.Улаан салбарынхаа бодлого, үйл ажиллагаа, хэрэгжүүлж буй ажлын талаар мэдээлэл өгч, ахмадуудынхаа санал бодлыг сонссон юм.

НҮБ-аас анх 1990 онд ахмад настны баярыг тэмдэглэх шийдвэр гаргаснаар дэлхийн олон орон жил бүрийн 10 дугаар сарын 1-ний өдрийг ахмад настнуудаа баярлуулах, хүндлэх, эрх ашгийг нь хамгаалах үйл ажиллагааг зохион байгуулан тэмдэглэдэг. Монгол Улс Ахмадын  баярын энэ өдрийг 1992 оноос эхлэн тэмдэглэж ирсэн юм. Манай улсын хэмжээнд 300 мянга гаруй ахмад настан энэ өдрийг тэмдэглэдэг байна.

Уулзалтын үеэр Хүнсний аж үйлдвэрийн ахмад инженер, шилдэг зохион бүтээгч, зохиолч Жинчин Жамцын Дашдаваагийн “Шинэ бүтээл-Миний жаргал” үзэсгэлэн  боллоо.