УИХ-ын 2019 оны намрын ээлжит чуулганы өнөөдрийн (2019.10.04) нэгдсэн хуралдаан эхэллээ.

Хуралдаанаар

Зэвсэгт хүчний Жанжин штабын даргыг томилох асуудал,
Ард нийтийн санал асуулга явуулах, Монгол Улсын Үндсэн хуулийн нэмэлт, өөрчлөлтийн эхийг батлах тухай Улсын Их Хурлын 2019 оны 73 дугаар тогтоолд бүхэлд нь тавьсан Монгол Улсын Ерөнхийлөгчийн хориг
Монгол Улсын нэгдсэн төсвийн 2018 оны гүйцэтгэл, Засгийн газрын санхүүгийн нэгтгэсэн тайлан болон “Монгол Улсын 2018 оны төсвийн гүйцэтгэлийг батлах тухай” Улсын Их Хурлын тогтоолын төсөл /Засгийн газар өргөн мэдүүлсэн, хоёр дахь хэлэлцүүлэг/
Үй олноор хөнөөх зэвсэг дэлгэрүүлэх болон терроризмтой тэмцэх тухай хуулийн төсөл болон хамт өргөн мэдүүлсэн бусад хуулийн төсөл /Засгийн газар өргөн мэдүүлсэн, хэлэлцэх эсэх/
Эрүүгийн хуульд нэмэлт, өөрчлөлт оруулах тухай, Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай, Зөрчил шалган шийдвэрлэх тухай хуульд нэмэлт, өөрчлөлт оруулах тухай, Зөрчлийн тухай хуульд нэмэлт, өөрчлөлт оруулах тухай төслүүд болон хамт өргөн мэдүүлсэн хуулийн төслүүдийг хэлэлцэнэ.

Хэлэлцэх асуудалтай холбогдуулан УИХ-ын гишүүн Б.Бат-Эрдэнэ: "Ёс зүйн дэд хороог хуралдуулж огт ирдэггүй гишүүдийг сольж үйл ажиллагааг идэвхжүүлмээр байна" гэлээ. УИХ-ын дарга Г.Занданшатар Ёс зүйн дэд хороог хуралдах чиглэл өгсөн ч ирц хүрээгүй шалтгаанаар хуралдаагүй байна. Чуулганаар хэлэлцэх асуудал биш тул гишүүд ирцээ бүрдүүлж хуралдах чиглэл өглөө. Ингээд Зэвсэгт хүчний Жанжин штабын даргыг томилох асуудлыг хэлэлцэж эхэллээ.

Б.Бат-Эрдэнэ: Ёс зүйн дэд хороог хуралдуулж үйл ажиллагааг идэвхжүүлмээр байна