УИХ-ын 2019 оны намрын ээлжит чуулганы өнөөдрийн (2019.10.04)   үдээс хойших нэгдсэн хуралдаанаар Эрүүгийн хуульд нэмэлт, өөрчлөлт оруулах тухай, Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай, Зөрчил шалган шийдвэрлэх тухай хуульд нэмэлт, өөрчлөлт оруулах тухай, Зөрчлийн тухай хуульд нэмэлт, өөрчлөлт оруулах тухай төслүүд болон хамт өргөн мэдүүлсэн хуулийн төслүүдийн хэлэлцэх эсэх асуудлыг хэлэлцэв.

УИХ-ын гишүүн О.Баасанхүү

Хөөн хэлэлцэх хугацааны асуудалд одоо оролдоод ямар ч нэмэргүй. Яагаад гэвэл хэрэг бүртгэлийн хэрэг, мөрдөн байцаалтын хэрэг гэж хэлэнгүүт хэрэг бүртгэлийн хэрэг нь хязгааргүй. Шалгаж байна шалгаж байна, хайж байна, олж байна гэсээр 2 3 жил болно. Хамгийн ноцтой зүйл нь ялын санкци хэрэг гарсан үеийн хугацаа хоёр чинь шууд хамааралтай байна уу ? Миний харсанаар бол 1 жилийн ялтай хүнд 1 жилийн хөөн хэлэлцэх хугацаатай, 5 жилийн ялтай хүнд 5 жил гэсэн байдлаар оруулсан харагдаад байна. Хуучин бол 12, 15, 20 хүртэл байсан ялууд бүгд доошлоод 1-с 3 гэсэн байдлаар орж ирж байна.

Эрх зүйн хэм хэмжээг өөрчлөхгүйгээр хөөн хэлэлцэх хугацааг мянга яриад нэмэр байна уу? Хуулийн хулгай гэж байдаг үүнээс болоод өчнөөн хэрэг өршөөгддөг. Хууль буцаан хэрэглэх ямар ч боломжгүй. Нэгэнт батлагдсан бол бүх хүнд тэгш үйлчилнэ. Хууль зүйн байнгын хорооны гишүүн биш ч ажлын хэсэгтээ оруулан ажиллах боломж байна уу?