БСШУСЯ болон Нийслэлийн боловсролын газрын шагнал, УИХ-ын гишүүний хүндэт өргөмжлөлөөр шилдэг багш нар шагнагдлаа.

УИХ-ын гишүүн Н.Учрал Монголын багш нарын 53 дахь өдрийг тохиолдуулан Сонгинохайрхан дүүргийн багш нарын баярын уулзалтыг зохион байгууллаа.

Уулзалтын үеэр Н.Учрал "Миний бие өнгөрсөн хугацаанд Багшийн хөгжлийг дэмжих тухай хуулийг санаачлан УИХ-аар батлуулж, Монгол улс багшийг дэмжих бие даасан хуультай болсон. Мөн "Монголын залуу багш нарын холбоо"-г байгуулан өнгөрсөн хугацаанд идэвхитэй үйл ажиллагаа явуулж ирсэн бөгөөд цаашид багшийн хөгжлийг дэмжсэн олон ажлуудыг хийхээр төлөвлөж байна. Нийт багш нартаа Монголын багш нарын 53 дахь өдрийн мэндийг дэвшүүлье" хэмээлээ.