Улсын Их Хурлын Аюулгүй байдал гадаад бодлогын байнгын хорооны өнөөдрийн (2019.10.08) хуралдаан эхэллээ. Хуралдаанаар Нэмэлт санхүүжилтийн зээлийн хэлэлцээрийн төсөл болон Засгийн газар хоорондын санхүүгийн хэлэлцээрийн төслүүдийг хэлэлцэнэ.

Хуралдаанаар Монгол Улсын Засгийн газар, Холбооны бүгд найрамдах Герман Улсын Засгийн газар хоорондын “Монгол-Германы хамтарсан ашигт малтмал технологийн их сургууль төслийн санхүүгийн хамтын ажиллагааны хэлэлцээр болон гэрээг соёрхон батлах тухай” хуулийн төсөл /Засгийн газар 2019.10.02-ны өдөр өргөн мэдүүлсэн, соёрхон батлах/ хэлэлцлээ.

УИХ-ын гишүүн Ц.Цогзолмаа

Байнгын хорооны гишүүдийнхээ энэ өдрийн амгаланг эрье. Монгол улсын Засгийн Газраас-аас  энэ асуудлыг дэмжиж байгаад талархаж байна. Эх орондоо дэлхийн стандартад нийцсэн боловсролыг олгох гэж байна. Мөн жилээс жилд элсэх залуусын тоо нэмэгдэж байгаа. “Монгол-Германы хамтарсан ашигт малтмал технологийн их сургуулийг яг жинхэнэ утгаараа Налайх дүүрэгт цогц кампус хэлбэрээр хэрэгжихэд энэ хөрөнгө биелэлээ ож байгаад талархалтай байна.