НИТХ-ын төлөөлөгч Ц.Байгалмаа Хан-Уул дүүргийн 1, 15, 18, 19-р хорооны ахмад буурлууддаа зориулж Олон Улсын Ахмадын баярыг тохиолдуулан хүндэтгэлийн арга хэмжээг зохион байгууллаа.

Улс орныхоо ирээдүйд үнэтэй хувь нэмэр оруулж залуу насаа ажил хөдөлмөр бүтээн байгуулалтад зориулсан ахмадууд уулзалдаж нэг өдрийг хамтдаа сайхан өнгөрүүлж стгэл дүүрэн байлаа.

Ц.Байгалмаа: Улс эх орныхоо түүх дурсгал, тусгаар тогтнолыг тунхаглан баталж, үр хойч биднийхээ гэрэлт ирээдүй болсон их хотыг цогцлоон бүтээсэн та бүхэндээ маш их баярлалаа. Ахмад буурлуудаасаа үнэтэй зөвлөгөө сонсож, ирээдүйн улс эх орныхоо хөгжил цэцэглэлтийн талаар санал бодлоо солилцсон сайхан өдөр байлаа. Та бүхэн минь үнэтэй сургаалаа бидэнд хайрлаж, алдаа оноог сануулж, амжилт бүтээл бүхэнд хамтдаа байж, эрүүл саруул энх тунх үр хойчынхоо аз жаргал бүхэнтэй хамт байхын ерөөлийг дэвшүүлье" хэмээлээ.