Нийгмийн бодлого, боловсрол, соёл, шинжлэх ухааны байнгын хорооны өнөөдрийн /2019.10.09/ хуралдаанаар  Шинжлэх ухаан технологийн тухай хуульд нэмэлт, өөрчлөлт оруулах тухай хуулийн төслийг хэлэлцлээ.

Энэ үеэр УИХ-ын гишүүн Д.Оюунхорол

Бүх шатандаа хандлагаа өөрчилье гэж уриалж байгаа. Мэдлэг оюуны салбарт хөрөнгө хүчээ төвлөрүүлэн хөгжсөн улс орнуудын хөгжлийг  шинэ шатанд дэвшсээр байгааг бид бүгдээрээ харж байгаа. Манайх хаана яваагаа тодорхой харах хэрэгтэй. Бидэнд ч бас хандлагаа өөрчлөөд урагшаа алхах хөгжлийн ирээдүй байна уу гэвэл байгаа гэдэгт эрдэмтэн судлаачид санал нэгдсэн.

Өнөөдөр бид ШУ-ны ажилтны улсын анхдугаар их хурлын зөвлөгөөнөөс орж ирсэн шийдвэр зөвлөмжүүд дээр яригдсан асуудлуудыг энэ хуулийн зөвлөмж дээр оруулж ирж давхар ярих шаардлага байгаа. Тиймээс ажлын хэсэг энэ дээр нэлээд анхааралтай ажиллах ёстой.