УИХ-ын гишүүн Л.Болд Ази, Европын орнуудад хэдийнэ танигдаад байгаа, манай орны эдийн засгийн хөгжилд нэн чухал хөшүүрэг болсоор ирсэн “Expo Mongolia” олон улсын үзэсгэлэн, бага хурлын энэ жилийн нээлтийн үйл ажиллагаанд оролцож, үг хэллээ.

Тэрээр Манай бизнесийн салбарынхны гадаадын өндөр хөгжилтэй орнуудын технологи, ноу-хауг эх орондоо нутагшуулж, гадаад зах зээлд өрсөлдөх чадварыг сайжруулах томоохон гарц бол энэ олон улсын үзэсгэлэн мөн гэдэгт бат итгэлтэй байна. Ингэж дэлхийн зах зээлд гарах, хамтын ажиллагаагаа өргөжүүлэх боломжийг нээж өгдөг “Expo Mongolia” олон улсын үзэсгэлэнг 7 дахь жилдээ хийж байгаа зохион байгуулагчдад талархаж байна.

ХБНГУ-аас Монгол Улсад суугаа Онц бөгөөд Бүрэн эрхт Элчин сайд Ёорн Розенберг, “Expo Mongolia” төслийн удирдагч Карстен Прен, үзэсгэлэн, бага хуралд оролцож буй нийт ноёд хатагтай, бизнес эрхлэгчдэд мөн талархал дэвшүүлье! хэмээлээ.