2019 оны 10 дугаар сарын 08-ны өдөр УИХ-ын гишүүн Л.Элдэв-Очир “25 дугаар суваг” телевизийн “АМ НЭЭВЭЛ” нэвтрүүлэгт оролцлоо. Нэвтрүүлгийн үеэр түүний хэлсэн онцлох эшлэлүүдийг хүргэж байна.

• Монгол Улсын Засгийн газар, УИХ агаарын бохирдлыг бууруулах бодлогын хүрээнд үр дүнд хүрэх хамгийн зөв арга зам юу болох тухай ярилцан шийдээд Тавантолгойн коксжих нүүрсийг нийслэлрүү татаж, шахмал түлш үйлдвэрлэх нь зүйтэй гэж үзсэн. Энэ туршлага дэлхийн олон улсад ч байдаг. Шахмал түлш хэрэглэснээр Нийслэлийн агаарын бохирдлыг 50% бууруулах боломжтой гэж үзсэн. Тиймээс Засгийн газар зоригтой хийж эхэлсэн нь зүйтэй юм. 

• Цэвэр агаар төслийн хүрээнд хөнгөлөлттэй нөхцлөөр гэр хорооллын айл өрхүүдэд тараасан бүрэн шаталттай Хас, Өлзий гэх зуухыг элдвээр улс төржүүлээд зогсоосон. Хэрвээ өнөөдрийг хүртэл гэр хорооллын 220 гаруй мянган айл өрх бүгд аваад хэрэглэж байсан бол агаарын бохирдол тодорхой хэмжээнд буурах байсан.

• Тавантолгойн нүүрс бол илчлэг өндөртэй, энгийн пийшинд хэрэглэхэд төмрийг нь сорж хайлуулдаг учраас уламжлалт, энгийн пийшинд хэрэглэж болохгүй гэсэн мэргэжлийн хүмүүсийн дүгнэлт гарсан. Гэтэл пийшин ярьлаа гэж Ерөнхий сайд нь салбарын сайдаа загнаад, байнгын хороон даргыг Ерөнхийлөгч нь загнасан шүү дээ.

• Агаарын бохирдлын асуудлыг зөвхөн түлш эсвэл зуух яриад бус цогцоор нь ярьж шийдэх ёстой асуудал. Зуух ярилаа гэж бухимдаад байгаа улсуудыг ойлгохгүй байгаа юм.

• Нэг асуудалд дорвитой шийдэл гаргаад ирэхээр энэ хэний бизнес вэ гээд хардаад эхэлдэг.

• Улс төрчид 1990 оноос хойш энэ улс орныг хорлоод дууслаа.

• Хувь хүний ашиг сонирхлын дагуу хуулийн төсөл УИХ-д ороод л ирдэг. Үүнийг нь гишүүд мэдсэн ч мэдээгүй юм шиг л батлаад явуулдаг.

• Монгол Улсад MCS шиг цэвэр татвараа төлөөд, бизнесээ чин шударгаар хийгээд явж байгаа тоотой хэдхэн компани бий. Намайг УИХ-д орж ирэхэд компанийн лобби хийх гэж байна гэж ярьдаг, ойлгодог байсан. Үнэндээ надад тийм зүйл байхгүй.

• МCS компани бол дэлхий дээрх амжилттай яваа бизнесийн компаниудад мөрдөгддөг алтан дүрмийг баримтлан, цэвэр бизнесийн зарчмаар анхнаас нь монголын хөрсөнд суулгаад явж байгаа компани юм.

• МCS, Женко компаниудын соёл нь өөр юм.

• 1998 онд намайг Төрийн өмчийн хорооноос Спорт бал бурам компанийн захирлаар томилсон. Тэнд ажиллаж байхад спиртын асуудал орж ирсэн. /17 чингэлэг спирт/ Бөөнөөрөө орж ирсэн нь л тэр болохоос хилээр орж ирж л байсан. Тухайн үед хууль хүчнийхэн сайн ажиллаагүй бол энэ асуудал өнөөдрийн утаа шиг л хоногт төчнөөн хүн үхлээ л гэдэг нөхцөл үүсэхээр байсан.

• Том Тавантолгойг бизнесийн зарчмаар нь л явуулах ёстой. Гэтэл том 2 намын улс төрчид л энэ компаниар байнга тоглоод байгаа юм.

• Тавантолгой өнгөрсөн жил 800 тэрбумын ашиг олсон. Хэрвээ улс төрөөс ангид байлгах юм бол энэ ашиг тухайн жилдээ 3 дахин өсөх боломжтой.

• Төрийн өмчийн компани дээр IPO хийхэд улс төрчдийн нөлөө их байгаад байна. Сайд дарга нар, улс төрчид болчимгүй мэдэгдэл хийгээд хувьцааны үнийг өндийхөөргүй болгочихоод байдаг.

• Би Ерөнхийлөгчийг шүүмжлэх гэж шүүмжлээд, өө хайгаад явдаггүй юм. Хийж байгаа үйлдэл нь дэндүү болчимгүй, дуугүй байхын аргагүй байдаг.

• Би Ерөнхийлөгчтэй нэг нутаг, нэг довных гээд гар бариад, тэврэлдээд явж болно. Гэтэл ард түмний эрх ашиг гэж зүйл байна. Үүний эсрэг шийдвэр гаргаад байна.

• Түрүү үеийн буюу 30 жилийн хугацаанд төр барьж байсан улс төрчид болон Ерөнхийлөгчид хаяглаад хэлэхэд Монгол Улсыг хөгжүүлэхгүй байя гэсэн бодлого явсан. Эрчим хүч бид яагаад ОХУ-аас авч байгаа юм бэ? Оюутолгой эрчим хүчээ БНХАУ-аас яагаад авна вэ? Ерөөсөө л хөгжлийн гацаа хийсэн.

• Монгол Улс далайд гарцгүй. Гэхдээ бид далайн гарцаас илүү их боломж дунд сууж байна. БНХАУ гэж том далай байна. Энэ далайд бид экспорт хийх хангалттай боломж байна.

• Хуучин МАНАН сарниж алга болоход дараагийн МАНАН бий болж байна. Энэ тасралтгүй үргэлжилж, манайхан үүнрүүгээ орсон байна. УИХ дээр унагадаг, хамгаалдаг болж. Үндсэн хуулийн өөрчлөлт энэ замаар орчихлоо.

• Улс төрд олон жил явсан хүмүүс бүгд НО-той болсон. Бүгд ТӨМСӨГ-дүүлчихэж.

• Үндсэн хуулийн нэмэлт өөрчлөлт дээр тавьсан Ерөнхийлөгчийн хоригийг шинэ МАНАН-ийнхан хүлээгээд авчихлаа.

• УИХ-ын хэдэн гишүүдийг нэг хүн гартаа барьчихаад удирдаад байна. Ийм УИХ дараагийн сонгууль хүрэхгүй. Тиймээс тарах нь зөв гэж би гарын үсэг зурсан.