Улсын Их Хурлын чуулганы өнөөдрийн /2019.10.11/ үдээс хойших нэгдсэн хуралдаанаар УИХ-ын гишүүн С.Бямбацогтын асуулга болох сайжруулсан түлшний талаарх Засгийн газрын мэдээллийг сонсч байна. Асуулгын хариуг Шадар сайд Ө.Энхтүвшин танилцууллаа.

Асуулгын хариутай холбогдуулан УИХ-ын гишүүд асуулт асуулаа. 

УИХ-ын гишүүн Б.Баттөмөр:

"21 дүгээр зуунд нийслэл нь ийм утаатай хот хэд байдаг юм бол доо. Аливаа ул оронд том эрх ашиг гэж бий. Утааг арилгах гэдэг нь том эрх ашиг юм. Үүний төлөө ажил хийж байгаа хүмүүс нь ажиллах ёстой. Үүнд улс төр ч чухал биш. Улаанбаатар хот сүүлийн 30 жилд утаатай болсон. Төрийн зохицуулалт 30 жил алдагдсантай холбоотойгоор олон иргэд нийслэлрүү ирсэн, хуучин машин орж ирсэн зэрэгтэй холбоотой. Төрийн зохицуулалт үүнд дутагдсан. Шахмал түлшний үнэ өртөг ямар байна вэ?"