Улсын Их Хурлын чуулганы өнөөдрийн /2019.10.11/ үдээс хойших нэгдсэн хуралдаанаар УИХ-ын гишүүн С.Бямбацогтын асуулга болох сайжруулсан түлшний талаарх Засгийн газрын мэдээллийг сонсч байна. Асуулгын хариуг Шадар сайд Ө.Энхтүвшин танилцууллаа.

Асуулгын хариутай холбогдуулан УИХ-ын гишүүд асуулт асуулаа. 

УИХ-ын гишүүн Ц.Гарамжав: 

"Олон жил утааны асуудла ярьж, сан байгуулж мөнгө үрэгдсэн. Эрүүл уушгитай иргэн байхгүй, хүүхдийн өвчлөл нэмэгдсэн. Үүнтэйгээ тэмцэх гэж л ийм зоригтой ажил хийсэн. Харамсалтай нь ийм асуудалд хүрлээ.

Үйлдвэрлэлд шинэ технологи хэрэглэхэд олон туршилт, хугацаа хэрэгтэй болдог. Тиймээс судалгаа, туршилтай илүү сайн хийх хэрэгтэй байна. Ялангуяа зуух, пийшинг нь түлшний стандартад хүрч байгаа эсэхэд судалгаа хиймээр байна.

БОАЖЯ алгын чинээ цаас тараачаад мэдээлэл өгсөн гэх юм байхгүй."