УИХ-ын Байгаль орчин, хүнс, хөдөө аж ахуйн байнгын хорооны /2019.10.15/ хуралдаанаар  Усны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн “Тогтоолын хавсралтад нэмэлт оруулах тухай” Улсын Их Хурлын тогтоолын төсөл /Засгийн газар 2019.09.25-ны өдөр өргөн мэдүүлсэн, хэлэлцэх эсэх/ хэлэлцлээ.

Энэ үеэр УИХ-ын гишүүн А.Сүхбат

Бусад улс орнууд бүгд л яам, 5-6 агентлагтай байдаг. Ямар ч асуудалгүй л явж байна манай улсын хувьд усны бодлого үнэхээр алдагдсан. Агентлаг байсан татан буулгасан. Эргээд Газар зохион байгуулалт усны нэгдсэн бодлого зохицуулалтын газар гэж байгуулсан. Дарга нь геологич хүн геологич хүн ус ярихгүй. Улаанбаатар хотын төв цэвэрлэх байгууламж хоногтоо 200-аад сая литр усыг эргэн ашиглахгүйгээр асгадаг.

Яаралтай агентлагаа байгуулах хэрэгтэй. Мэргэжлийн хүнийг удирдлагаар нь томилох, дараагийн хүмүүс залуу хойч үеэ бэлдэх хэрэгтэй. Туул голыг бид арай л дэндүүлсэн. Туул голын ёроол яг цемент шиг болсон. Энэ бол аймшигтай. Яаж ийгээд ус голоо аврах тал дээр шүүмжлэх биш нэгдэж хэлэлцэж явах хэрэгтэй.