УИХ-ын Байгаль орчин, хүнс, хөдөө аж ахуйн байнгын хорооны /2019.10.15/ хуралдаанаар Таримал ургамлын үр, соортын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Засгийн газар 2019.06.07-ны өдөр өргөн мэдүүлсэн, хэлэлцэх эсэх/ хэлэлцлээ.

Энэ үеэр УИХ-ын гишүүн Б.Бат-Эрдэнэ

Хуулийн төслийг дэмжиж байгаа. Хуулийг шинэчилсэн найруулгаар батлах хууль зүйн үндэслэл болоод хэрэгцээ шаардлага зайлшгүй байгаа юм байна. Үр тарианы хувьд нэлээд хүнд байдалд орсон. Иргэд тариалан эрхлэгчидтэй уулзахад үрийн хувьд маш хүнд байдалтай байгаа шүү гэж хэлдэг.

Мал аж ахуйг эрчимжүүлэх бэлчээрийн талхигдал, бэлчээрийн доройтлыг  үзэхэд малын тэжээлийн ургамлыг тарималжуулах энэ үр соортыг гарган авах, шинээр бүтээх, нутагшуулахтай холбоотой ямар бодлого байна хуулинд тодорхой зохицуулалт орох уу?