Улсын Их Хурлын чуулганы өнөөдрийн /2019.10.18/ үдээс хойших нэгдсэн хуралдаанаар Улсын тэмдэгтийн хураамжийн тухай хуульд өөрчлөлт оруулах тухай хуулийн төслийг хэлэлцлээ.

Химийн хорт болон аюултай бодисыг импортлох, хил дамжуулын тээвэрлэх тусгай зөвшөөрөлийг “Аж ахуйн үйл ажиллагааны тусгай зөвшөөрлийн тухай хууль”-ийг үндэслэн Байгаль орчин, аялал жуулчлалын яамнаас олгож байгааг Байгаль орчин, аялал жуулчлалын сайд Н.Цэрэнбат танилцууллаа.

Түүнчлэн хэд хэдэн аж ахуйн нэгж нийлж, нэг зөвшөөрөл авах, нэг зөвшөөрлөөр аль болох их хэмжээтэй бодисын зөвшөөрөл авахыг эрмэлзэх болсон нь зөвшөөрлөөр дамжуулан химийн бодисын хэрэглээнд тавих хяналтыг сулруулах, химийн бодисын хууль бус импортыг бий болгох зэрэг сөрөг үр дагавар гарах шалтгаан болж байна гэдгийг салбарын сайд танилцуулгадаа дурдсан.

УИХ-ын гишүүн Б.Бат-Эрдэнэ:

"Хураамж татвар гэдэг нь нэг ойлголт гэж үзэж байна. Энэ танилцуулгад байгаагаар 839 мянган тонн химийн бодисыг манай улс оруулж ирдэг. 47% уул уурхай, 40% химийн бүтээгдэхүүн үйлдвэрлэгчид ашиглаж байна. Барилга, эмнэлэг, лаборатори, хүрээлэнгүүд ашиглаж байна. Ашиглаж байгаа байдалд хэд их зөрүүтэй байхад хураамжийн хэмжээг тооцохдоо яаж үзэж байна вэ? 1,2 саяас 3 саяын хооронд байсан хураамжийг 50-20 сая төгрөгийн хооронд нэмэгдүүлж болж байна. Би сангийн яамнаас авто машинтай холбоотой асуудал дээр онцгой татварыг хүчин чадалтай нь уялдуулах боломж байгаа эсэхийг л асуугаад байна.

Би Ёс зүйн хорооны даргын хувьд гишүүдийн ирцийг харж байна. Ирц маш муу байна. Харин эхлэхээс тарах хүртэл энд сууж байгаа хүмүүсийг чичлээд байх ёсгүй. Шударга ёсны зарчмаар ажиллаад ажлаа урагшлуулах шаардлагатай байна."

Б.Бат-Эрдэнэ: Химийн бодис их хэрэглэж байгаа нь өндөр хураамж төлөх ёстой