УИХ-ын гишүүн Ц.Гарамжав СХД 30-р хороо Хилчин хотхоныг инженерийн шугам сүлжээнд холбох асуудлыг хоёр дахь удаагаа Өргөдлийн байнгын хороогоор хэлэлцүүллээ.

Төрийн байгууллагуудын уялдаа холбоогүй байдал, гүйцэтгэгчийн хариуцлагагүй, хайхрамжгүй байдлын тод жишээ бол Хилчин хотхоны асуудал юм.

Өргөдлийн байнгын хороо 2017 онд иргэдээс ирүүлсэн өргөдлийн дагуу хэлэлцүүлэг зохион байгуулж, Барилга, хот байгуулалтын яаманд “Ажил эрчимжүүлэх тухай” албан тоотыг хүргүүлсэн ч албан даалгаврын хэрэгжилтийн явц, үр дүн хангалтгүй байсан учир өнөөдөр эл асуудлыг дахин хэлэлцэж, шийдвэр гаргалаа.

Төр нэгэнт төсөв хөрөнгөө гаргаад хийж буй ажлын гүйцэтгэлд хяналт, шалгалт хийх нь маш чухал.Энэ удаагийн хэлэлцүүлгийн үр дүн бодит байх ёстой. Ярих биш хийж, хэрэгжүүлж, асуудлыг түргэн хугацаанд шийдвэрлэх шаардлагатай. Хэлэлцүүлгээр хийсэн ажлын гүйцэтгэлд үнэлэлт, дүгнэлт өгч, шаардлагатай зураг төсвийг хийж, цэвэр, бохирын шугамын ажлыг дуусгаж, дулааны шугамын ажлыг эхлүүлэхийг холбогдох байгууллагуудад үүрэг болсон байна.

Хилчин хотхоныг инженерийн шугам сүлжээнд холбох асуудлыг хэлэлцүүллээ