О.Баасанхүү 2019.10.24 | Vip76.mn

О.Баасанхүү: Эрүүгийн хуулийн заалт тус бүрийг бөөс түүж байгаа мэт ингэж хэлэлцээд байх уу?

Улсын Их Хурлын чуулганы өнөөдрийн /2019.10.24/ нэгдсэн хуралдаанаар Эрүүгийн хуульд өөрчлөлт, Зөрчлийн тухай хуульд нэмэлт оруулах тухай хуулийн төслүүдийн хэлэлцэх эсэх асуудлыг хэлэлцэж байна. Хуулийн төслийг санаачлагч нь УИХ-ын гишүүн С.Бямбацогт юм.

Одоо мөрдөгдөж буй Эрүүгийн хуулийн 17.12 дугаар зүйлийн 1 дэх хэсэгт “Бусдын малыг хулгайлсан бол хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл 6 сараас 5 жил хүртэл хугацаагаар зорчих эрхийг хязгаарлах, эсхүл 6 сараас 5 жил хүртэл хугацаагаар хорих ял шийтгэнэ”, 17.12 дугаар зүйлийн тайлбарт ”Энэ зүйлд заасан “олон тооны мал” гэж 24 бог, 8 бодоос дээш малыг ойлгоно. Богийг бодод шилжүүлэхдээ нэг бодыг гурван богоор тооцно” гэж заасан байна.

Төсөлтэй холбогдуулан Төсөлтэй холбогдуулан УИХ-ын гишүүд асуулт асууж, үг саллаа.

УИХ-ын гишүүн О.Баасанхүү: 

"Монголчууд Азийн орнуудаас ялгарах нэг онцлог нь мал аж ахуй юм. Газар тариалантай холбоотой сөрөг асуудал гарахад зарим оронд хадуураа бариад босдог шиг Монгол улс ч малаа төрийн бодлогоор хамгаалж, урьдчилан сэргийлэх, хуулиар хамгаалах нь зүйтэй.

Хууль зүйн сайдад хэдэхэд, бөөс түүж байгаа юм шиг Эрүүгийн хуулийн заалт тус бүрээр нь оруулж ирээд яваад байх уу? Энэ хууль болохоо байчихсан байгааг та мэдэж байгаа биздээ. Би танд энэ асуудлыг хэлж байсан. 14 настай хүүхдийг биеэ үнэлж болно гэсэн заалт орсоныг насыг нь өндөрсгө гэж хэлсэн. Та сайд байхдаа Саарал жагсаалтад оруулсан. Үүний дараа бид таныг сайдаас буусны дараа арай хийж жагсаалтаас гаргасан. Гэтэл өнөөдөр дахиад Саарал жагсаалтад орчихлоо.

ФАТФ-аас өгсөн зөвлөмж дээрх ажлын ихэнх нь танай яамны хийх ажил байсан. Дараа нь гишүүд бас хөөн хэлэлцэх тухай заалтад нэмэлт оруулна гээд орж ирэх юм байна. Ингэж байхаар та ажлаа өгөөч ээ. Монгол Улсад гай болж байхаар танайд байгаа сайн хуульч залуучуудад байраа тавьж өг."

Түүний асуултанд УИХ-ын гишүүн Х.Нямбаатар хариуллаа.