Улсын Их Хурлын чуулганы өнөөдрийн /2019.10.24/ нэгдсэн хуралдаанаар Эрүүгийн хуульд өөрчлөлт, Зөрчлийн тухай хуульд нэмэлт оруулах тухай хуулийн төслүүдийн хэлэлцэх эсэх асуудлыг хэлэлцэж байна. Хуулийн төслийг санаачлагч нь УИХ-ын гишүүн С.Бямбацогт юм.

Одоо мөрдөгдөж буй Эрүүгийн хуулийн 17.12 дугаар зүйлийн 1 дэх хэсэгт “Бусдын малыг хулгайлсан бол хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл 6 сараас 5 жил хүртэл хугацаагаар зорчих эрхийг хязгаарлах, эсхүл 6 сараас 5 жил хүртэл хугацаагаар хорих ял шийтгэнэ”, 17.12 дугаар зүйлийн тайлбарт ”Энэ зүйлд заасан “олон тооны мал” гэж 24 бог, 8 бодоос дээш малыг ойлгоно. Богийг бодод шилжүүлэхдээ нэг бодыг гурван богоор тооцно” гэж заасан байна.

Төсөлтэй холбогдуулан Төсөлтэй холбогдуулан УИХ-ын гишүүд асуулт асууж, үг саллаа.

УИХ-ын гишүүн А.Сүхбат:

"Малын хулгайн асуудал маш газар авч, малчин иргэдийг айлгаж цочроосон асуудал болсон. Малыг Үндсэн хуулиараа хамгаална гэж заасан. Ард иргэдийн ярьж байгаа зүйл бол өнчин ишиг хулгайлсан ч бай тэр нь хүний өмч шүү дээ. Өнөөдөр өнчин ишиг хулгайлсан ч тэр нь эрүүгийн хэрэг үүсээд явдаг. Богийг бодод шилжүүлж байгаа нь хэргийг хүндрэх нөхцөлрүү шилжүүлж байгаа юм шүү.

Гарал үүслийн бичиггүй малын махыг авахгүй байх. гарал үүслийг тодорхой болгож тэмдэг, ээмэг зэргийг хангалттай хийж байж үүнийг хангах боломжтой болно.

Монгол хүн байж хэтэрхий хэрцгий байдлаар бэлчээр дээр нь буудаж унагаад 3-4 минутанд дотор гэдсийг гаргаад хулгайлаад явж байгаа. иргэд хөөгөөд хэрэгтэнг олдог ч хэргээ хүлээсэн нь торгууль төлөөд л сул явж байгаа.

Мөн төрийн цагдаа малын хулгайчтайгаа нийлээд явж байна гэж яриад байгааг тодруулах ёстой. Хүүхэд, өсвөр насныханыг үүнд уруу татан оруулж байгааг анхаараарай. Цагдаагийн байгууллагын ажилдтан, хэрэглэгдэхүүнийг чадвахижуулж, хангах шаардлага бий. Аймаг сумдыг камержуулах хэрэгтэй."