Улсын их хурлын чуулганы өнөөдрийн /2019.10,24/ нэгдсэн хуралдаанаар Монгол Улсын 2020 оны төсвийн тухай хууль болон түүнийг дагаж өргөн мэдүүлсэн хуулийн төслүүдийг хэлэлцлээ.

Төсөлтэй холбогдуулан УИХ-ын гишүүд асуулт асууж, хариулт авлаа.

Харин УИХ-ын гишүүн Б.Бат-Эрдэнэ "Хэнтийн аймагт хэт их төсөл тавигдсан" хэмээн гишүүдийн хэлсэн байр суурьт тайлбар өглөө.

Тэрээр,

Газрын төлбөртэй холбоотой асуудал яригдаж байна. Орон нутагт эрх мэдлийг нь олгохтой холбоотой өөрчлөлт орж ирж байгаа юу?

Тухайлбал, Манай Хэнтий аймгийн Батширээнд сумын Гутайн даваанд Ашигт малтмалын А зэрэглэлийн зөвшөөрөлтэй 4 компани үйл ажиллагаа явуулж байна. Гэтэл тэнд Батширээт суманд жилдээ 4хөн сая төгрөг өгдөг байгаа юм. Үүн дээр ямар эргэлт гарах вэ?

Хоёрдугаарт, Сангийн сайдыг Хэнтий аймгийн төсөвтэй холбогдуулан их цоллоод байх шиг байна. 170 гаруй тэрбум төгрөг байгаа. Үүнээс 170 тэрбум төгрөг чинь замын л төсөв байгаа шүү дээ. Аль 2010 байн уу? 2011 онд батлагдсан бодлого л энд яваа шүү дээ. Аялал жуулчлалыг хөгжүүлэхтэй холбогдуулан зам тавих ажил шүү дээ. Нөгөөх 40 тэрбум нь Бор -Өндөрөөс Даланзадгад хүртэлх зам шүү дээ. Энэ бол өмнөх 2012-2016 онд хоёр удаа ч тууз хайчлаад ажил болоогүй ажил шүү дээ.

Сангийн сайд Ч.Хүрэлбаатар харин Баярлалаа Б.Бат-Эрдэнэ гишүүнээ та ямар удаан дуугүй явав аа хэмээн байр сууриа мөн илэрхийлсэн юм.

Б.Бат-Эрдэнэ: Хэнтий аймгийн төсөвтэй холбогдуулан Сангийн сайдыг хочлох хэрэггүй