Улсын их хурлын чуулганы өнөөдрийн /2019.10.25/ нэгдсэн хуралдаанаар “Чөлөөт бүсийн тухай хуульд өөрчлөлт оруулах тухай” хуулийн төслийг хэлэлцлээ.

2015 оны  шинэчилсэн хуульд “Хил дамнасан чөлөөт бүс” гэж хил залгаа улсын хилийн боомтын газар нутагт Засгийн газар хоорондын хэлэлцээрт үндэслэн байгуулсан чөлөөт бүсийг хэлнэ“, мөн хуулийн 6 дугаар зүйлийн 6.3 дахь хэсэгт “Засгийн газар хоорондын гэрээ, хэлэлцээрийн дагуу хил дамнасан чөлөөт бүс байгуулж болох бөгөөд уг чөлөөт бүсэд баримтлах бодлого, чиглэлийг холбогдох улстай байгуулсан гэрээгээр зохицуулна” гэж тусгажээ.

Энэ үеэр УИХ-ын гишүүн Ц.Гарамжав

Улс орнуудад хил хязгаарын чөлөөт бүс чухал байдаг. Аюулгүй байдлын асуудлыг хэр тооцоолсон бэ?  Өнөөдөр хил хаалттай байхад гэхэд янз бүрийн асуудлуудыг дийлэхгүй байгаа.

Хар тамхи, хүний наймааны асуудал үүсэхээс сэргийлэхийн тулд чөлөөт бүсэд ямар менежмент хийх вэ? Аюулгүй байдал хамгийн чухал шүү. Хилээ нээчихдэг гэмт хэрэг бүүр гаарах вий гэсн болгоомжлол байна. Хатуу бодлого чухал. Олон сайн талтай ч энэ дээр маш их анхаараарай.