Өнөөдөр буюу /2019.10.28/-нд Монголын Эрчим хүч, Геологи Уул уурхайн Үйлдвэрчний эвлэлийн холбоо, Олон улсын IndustriAll байгууллагатай хамтран Уул уурхай дахь ХАБЭА-н Олон Улсын Хөдөлмөрийн байгууллагын 176-р конвенцын хэрэгжилтийн тухай зөвлөгөөн болж байна.

Зөвлөгөөний эхэнд Монголын Үйлдвэрчний эвлэлийн холбооны Ерөнхийлөгч Х.Амгаланбаатар, Монголын Эрчим хүч, Геологи Уул уурхайн ҮЭ-ийн холбооны дарга Х.Буянжаргал, Уул уурхай, хүнд үйлдвэрийн яамны төрийн нарийн бичгийн дарга Г.Нандинжаргал, Олон улсын Хөдөлмөрийн байгууллагын Монгол дахь суурин төлөөлөгч П.Болормаа нар нээлтийн үг хэллээ.

Зөвлөгөөн нь гурван хэсгээс бүрдэх бөгөөд нэгдүгээрт Уурхай дахь ХАБЭА-н асуудлууд болон өнөөгийн байдал сэдвийн хүрээнд “Уул уурхай дахь Зохист хөдөлмөрийн хэрэгжилт” МҮЭ-ийн холбооны ЕНБД Г.Адъяа, “Уул уурхайн салбарын ХАБЭА-н өнөөгийн байдал, цаашид сайжруулах арга зам” Уул уурхайн ХАБЭА-н салбар хорооны НБД Н.Амартуул, “Уурхай дахь ХАБЭА-г сайжруулахад ажил олгогчдын үүрэг, манлайлал” Монголын Уул уурхайн үндэсний ассоциацын Ерөнхийлөгч Т.Гантөмөр ,“Уурхай дахь хөдөлмөрийн аюулгүй байдал эрүүл ахуйн асуудалд ҮЭ-ийн байгууллагын оролцоо хяналт” Монголын Эрчим хүч Геологи Уул уурхайн ҮЭ-ийн холбооны Нарийн бичгийн дарга Д.Долгор нар тус тус илтгэл тавина.

Харин зөвлөгөөний хоёр дахь хэсэгт Олон Улсын Хөдөлмөрийн байгууллагын Монгол дахь суурин төлөөлөгч П.Болормаа, Уурхай дахь ХАБЭА-н 176 дугаар конвенцын танилцуулгыг хийж Олон Улсын IndustriAll байгууллагын Төслийн зөвлөх Юн ХёВон 176 дугаар конвенцын Олон улсын нөхцөл байдал, чиг хандлагын талаар танилцуулах юм.

Түүнчлэн зөвлөгөөний гуравдугаар хэсэгт “Уухай дахь ХАБЭА-н байдал эрүүл ахуйн хууль эрх зүйн тогтолцоо, сайжруулах арга зам” сэдвээр ХНХ-ын яамны ХАБЭА-н хэлтсийн дарга З.Бауыржан, “Уул уурхайн ослоос урьдчилан сэргийлэх, бууруулах арга зам” сэдвээр МХЕГ-ын Байгаль орчин Геологи, Уул уурхайн хяналтын газрын дарга Н.Батбаяр, “Уул уурхай дахь хөдөлмөрийн хяналт өнөөгийн байдал” сэдвээр МХЕГ-ын Хөдөлмөрийн хяналтын хэлтсийн дарга Г.Эрдэнэтөгс нар илтэл тавих юм.

Үүний дараа ОУХБ-ын суурийн төлөөлөгчийн, Засгийн газрын төлөөлөл, Ажил олгогчийн төлөөлөл, ҮЭ-ийн байгууллагын, ТББ, судлаачдын үнэлгээг тус тус хийснээр энэ удаагийн Уул уурхай дахь ХАБЭА-н тухай 176 дугаар конвенцийн хэрэгжилт сэдэвт зөвлөгөөн өндөрлөх юм.

Уул уурхай дахь ХАБЭА-н 176 дугаар конвенцын хэрэгжилтийн тухай улсын зөвлөгөөн болж байна

Уул уурхай дахь ХАБЭА-н 176 дугаар конвенцын хэрэгжилтийн тухай улсын зөвлөгөөн болж байна