УИХ- ын гишүүн Лувсангийн Энхболдын санаачилгаар 590 сая төгрөгний өртөг бүхий орчин үеийн шинэ шийдэлд нийцсэн, 2 давхар Шүүх шинжилгээний албаны барилгыг 2018 оны улсын төсөвт суулгуулж, барилгын ажлыг тус ондоо гүйцэтгүүлж ашиглалтад оруулсан.

Шүүх шинжилгээний албаны барилга нь улсын хэмжээнд анх удаа, улсын жишигт нийцсэн барилга болж алба хаагчид тохилог, тав тухтай орчинд ажиллах нөхцөл бүрдэж байгаа юм.

Барилга өнгөрсөн оны 12 дугаар сард ашиглалтад орсон бөгөөд барилгын ашиглалт, алба хаагчдын ажил байдалтай УИХ- ын гишүүн Л.Энхболд, аймгийн ИТХ - ын дарга Х.Сугир, Даланзадгад сумын Засаг дарга бөгөөд хотын захирагч Т.Алтансүх нар танилцлаа. Энэ үеэр Даланзадгад сумаас тус албанд ашиглалтын гэрээгээр албаны үйл ажиллагаанд ашиглагдах, туулах чадвар сайтай Ланд-77 маркийн автомашиныг гардуулж өглөө.

Ингэснээр Шүүх шинжилгээний албаны алба хаагчдын ажиллах орчин сайжирч, алсын болон ойрын дуудлагад хүндрэл, саад бэрхшээлгүй зорчиж, ард иргэддээ шуурхай хүртээмжтэй үйлчлэх нөхцөл бүрдэж байгааг албаны дарга, Цагдаагийн хурандаа Ш.Эрдэнэбаяр онцоллоо.

Мөн улсын төсвийн хөрөнгө оруулалтаар бүрэн тоноглогдсон УАЗ фургон автомашиныг шийдвэрлүүлсэнд талархаж байгаагаа илэрхийлж, улсын хэмжээнд анхдагч шинэ шийдэл бүхий, дэвшилтэт технологи, стандартад нийцсэн барилга байгууламжийг шийдвэрлүүлж өгсөний хариуд бид ажлаа илүү сайжруулж, хуулийн өмнө хүлээсэн үүргээ нэр төртэй биелүүлэхээ илэрхийллээ.

Өмнөговь аймгийн шүүх шинжилгээний албаны ажиллах боломж нөхцөлийг сайжрууллаа