УИХ-ын гишүүн Ц.Даваасүрэн өөрийн сонгогдсон тойрогт ажиллаж төсвийн болон орон нутгийн хөрөнгөөр байгуулагдсан томоохон бүтээн байгуулаллтын ажлуудыг хүлээлгэн өгч иргэд сонгогчидтойгоо уулзалт хийлээ.

Хөвсгөл аймгийн Цэцэрлэг суманд 1,4 тэрбум төгрөгийн төсөвт өртөгтэй 150 хүүхдийн цэцэрлэгийн байр ашиглалтад орлоо.

Тус цэцэрлэг ашиглалтад орсноор анги танхим хүрэлцээгүйн улмаас цэцэрлэгт хамрагдаж чадахгүй байсан хүүхдүүд сургуулийн өмнөх боловсролыг эзэмших боломж бүрдэж байна.

Цэцэрлэгийн нээлтэд УИХ-ын гишүүн Ц.Даваасүрэн болон сумын удирдлагууд, эцэг эхчүүд оролцов. Ийнхүү хамгийн сүүлийн үеийн стандарт шаардлагад нийцсэн, тав тухтай, тохилог орчинд суралцах болсондоо хүүхдүүд баяртай байгаагаа илэрхийлж өөрсдийн сурсан дуу бүжгээрээ бэлэг барьсан байна.

Хөвсгөл аймгийн Шинэ-Идэр суманд 1,4 тэрбум төгрөгийн төсөвт өртөгтэй 20 ортой Эрүүл мэндийн төвийн барилга ашиглалтад орлоо.

УИХ-ын гишүүн Ц.Даваасүрэн нээлтийн үеэр "Хүн ардынхаа эрүүл энхийн манаанд цаг наргүй зогсдог эмнэлгийн ажилтан албан хаагчид маань тав тухтай, хүрэлцээтэй, тохилог орчинд ард иргэддээ үйлчлэх боломж бүрдлээ. Та бүхэндээ ажлын өндөр амжилтыг хүсье" хэмээсэн юм.

Шинэ-Идэр сумын иргэд орчин үеийн, тохилог орчинд эрүүл мэндийн үйлчилгээ авах болсондоо баяртай байгаагаа илэрхийлж байлаа.

Мөн Хөвсгөл аймгийн Түнэл сумын Хүүхдийн цэцэрлэгийн байр ашиглалтад орлоо. Нээлтэд Ц.Даваасүрэн гишүүний ажлын алба, сумын удирдлагууд, эцэг эхчүүд оролцлоо. Эцэг эхчүүдийн зүгээс бяцхан үрс нь эрүүл ахуйн шаардлага хангасан, дулаахан, тохилог орчинд сурч хөгжих болсонд баяртай байгаагаа илэрхийлллээ.

Ц.Даваасүрэн гишүүн тойрогтоо ажиллаж томоохон бүтээн байгуулалтын ажлуудыг хүлээлгэж өглөө