Улсын Их хурлын чуулганы өнөөдрийн /2019.11.08/ нэгдсэн хуралдаан 10 цаг 20 минутад эхэллээ. УИХ-ын дарга Г.Занданшатар хэлэлцэх асуудлын жагсаалтыг танилцууллаа. Өнөөдрийн чуулганаар есөн асуудал хэлэлцэнэ.

Гишүүд хэлэлцэх асуудлын жагсаалттай холбогдуулан асуулт асууж хариулт авч байна.

Энэ үеэр УИХ-ын гишүүн А.Сүхбат

УИХ-ын дарга М.Энхболд 2017 онд миний хүсэлтээр Туул гол дээр ажлын хэсэг байгуулж шаардлагатай бол хуулийн төсөл боловсруулан өргөн барь гэж байсан. Туул голын нөхцөл байдал маш хүнд байна. ЗГХЭГ-ын дарга Л.Оюун-Эрдэнэ, БОАЖ-ын сайд Н.Цэрэнбат нарт хууль боловсруулан яаралтай оруулж ир гэж жил гаруйн өмнө хэлсэн. Өнөөдрийг хүртэл нэг ч ярихгүй байна. Туул гол сүйдвэл Монголчууд усгүй болно.

Туул голыг улсын тусгай хамгаалалтад авах асуудлыг яаралтай шийдэх хэрэгтэй. Усны тухай хууль байдаг яаж хэрэгжиж байгаа юм? Нүдэн дээр Туулын бургасыг хядаж, гольдролыг хэд хэд өөрчилсөн асуудал байдаг. Энэ дээр анхаармаар байна.