УИХ-ын гишүүн Б.Бат-Эрдэнэ Монгол ёс уламжлал, ахуй соёлоор сургалт явуулдаг СХД-ийн 170-р цэцэрлэгтэй танилцаж багш эцэг эхчүүдтэй уулзлаа.

170 дугаар цэцэрлэг орчны тохижилт, сургалт, арга зүй зэргээрээ дүүрэгтээ төдийгүй улсдаа жишиг болохуйц бөгөөд салбарын яамнаас  ёс заншил, өв уламжлалаа улсдаа төдийгүй дэлхийд сурталчилж, түгээж байгаа хэмээн өндөр үнэлж, улс даяар жишиг цэцэрлэг болгон зарлаад байгаа юм.

Уулзалтанд УИХ-ын гишүүн Д.Тэрвишдагва болон дүүргийн харъяа цэцэрлэгүүдийн эрхлэгч багш нар, эцэг эхийн өргөн төлөөлөл оролцож  АВАРГА сургуулиас хэрэгжүүлж буй " Бие бялдрын хөгжлийн 12 чанар олгох" сургалт хийж, хамтарч ажиллах талаар ярилцлаа.