10559
2019.11.13

Ц.Гарамжав: Нийгмийн даатгал, эрүүл мэндийн даатгалын сангийн бодлого буруу байна

УИХ-ын чуулганы өнөөдрийн /2019.11.13/ нэгдсэн хуралдаанаар Монгол Улсын 2020 оны төсвийн тухай, Нийгмийн даатгалын сангийн 2020 оны төсвийн тухай, Эрүүл мэндийн даатгалын сангийн 2020 оны төсвийн тухай хуулийг батлав.

Энэ үеэр УИХ-ын гишүүн Ц.Гарамжав

Төсвийн зарлага 13.8 их наяд төгрөгийн зарлагаар төсөвлөгдсөн орлого 11.7 их наяд орлогыг мөн нэлээд өөдрөгөөр төсөөлсөн. 2016 оныхтой харьцуулахад эдийн засгаа сүүлийн 3 жилд 6-7 хувийн өсөлттэй тогтворжуулж чадлаа.

Монгол улсад өнөөдөр нүүрлээд байгаа нэг аюул бол хөдөлмөрлөх ажиллах хүчний хомстолд орж байна. Хөдөлмөрийн насны залуус бараг Монголдоо ажиллахгүй байна. Ажиллах хүчнийхээ цалин хөлсийг яагаад нэмэгдүүлж чадахгүй байна гэхээр аж ахуй нэгжүүдийн татвар ялангуяа нийгмийн даатгал, эрүүл мэндийн даатгалын сангийн бодлого буруу байна.

Сангийнхаа мөнгийг банканд тавьж үрэгдүүлээд эргээд ард түмнийхээ халааснаас авч байгаа нь буруу. Харин аль болох ажиллах хүчний бодлогоо Монголдоо татаж цалин хөлсийг дэлхийн дундаж хүргэх тал дээр анхаарах хэрэгтэй.