УИХ-ын чуулганы өнөөдрийн /2019.11.21/ нэгдсэн хуралдаанаар Оюутолгой ордын ашиглалтад Монгол Улсын эрх ашгийг хангуулах тухай тогтоолын төслийг хэлэлцэж баталлаа.

Энэ үеэр УИХ–ын гишүүн Л.Болд:

Олон жил цаг алдсаны үндсэн дээр одоо л Оюутолгойг ярьж байна.  Оройтсон ч гэсэн ямар ч байсан УИХ 2-дахь ажлын хэсгээ байгуулж тогтоолын төсөл боловсруулан оруулж ирлээ. Монгол улс байж болох бүх баялагаа хулгайд алдсан. 

Гэвч бид гадаа 40 хэмийн хүйтэнд нэгдэн жагсаж олон зүйлийг буцааж авч чадлаа. Одоо Оюутолгойгоо авах энэ том шийдвэрийн босгон дээр ирээд байна. Ямар ч эргэлзээгүй айдасгүйгээр хийх хэрэгтэй.

ТУЗ байгаа ТУЗ-д Монгол улсын гурван хүн байгаа. Яг ямар гурван хүн байдаг юм бэ? Би УИХ-ын гишүүн үүнийг мэддэггүй ямар хүмүүс байдаг юмм? Ямар шалгуураар томилсон юм, ямар цалин авдаг вэ?