Ё.Баатарбилэг 2019.11.22 | Яамны хэвлэл мэдээллийн алба

Ё.Баатарбилэг ШХАБ-ын гишүүн болон ажиглагч орнуудын сайд нарын уулзалтад оролцож байна

Ё.Баатарбилэг ШХАБ-ын гишүүн болон ажиглагч орнуудын сайд нарын уулзалтад оролцож байна

Монгол Улсын Боловсрол, соёл, шинжлэх ухаан, спортын сайд Ёндонпэрэнлэйн Баатарбилэг Москва хотноо зохион байгуулагдаж буй Шанхайн хамтын ажиллагааны байгууллага (ШХАБ)-ын гишүүн орнуудын Шинжлэх ухаан, техникийн асуудал хариуцсан сайд нарын уулзалтад оролцлоо.

ШХАБ-ын гишүүн болон ажиглагч орнуудын сайд нарын уулзалтыг тодорхой сэдвийн хүрээнд зохион байгуулдаг бөгөөд энэ удаад улс орнууд шинжлэх ухаан, технологийн хөгжил, инновацийн болон бусад судалгаа, шинжилгээний хүрээнд хүрсэн ололт, амжилт, туршлагаа хуваалцаж, хамтран ажиллах чиглэлээр санал дэвшүүлж, хэлэлцлээ.

Монгол Улс ажиглагч гишүүний хувьд оролцож, БСШУС-ын сайд Ё.Баатарбилэг өөрийн орны шинжлэх ухааны салбарын талаар товч мэдээлэл хийж, үг хэлэв. Уулзалтын үеэр зарим улсын шинжлэх ухааны асуудал хариуцсан сайд нартай уулзаж, санал солилцсон юм.