УИХ-ын гишүүн, Монгол Улсын 29 дэхь Ерөнхий сайд Жаргалтулгын Эрдэнэбатын нэрэмжит "СЭЛЭНГЭ ЛИГ-2019" спортын наадам Буянт-Ухаа спортын ордонд амжилттай зохион байгуулагдлаа.

Энэ жилийн "СЭЛЭНГЭ ЛИГ-2019"-д Сэлэнгэ аймгийн 17 сумаас баг тамирчид ирж оролцож байна. Сэлэнгэчүүдийн хүсэн хүлээдэг "СЭЛЭНГЭ-ЛИГ" спорт наадам 9 дэх жилдээ зохион байгуулагдаж байгаа. Энэ жилийн тэмцээн Оюутан, Залуучууд, +40 нас гэсэн ангилалтайгаар Сагсан бөмбөг, Волейбол, Шатар, Шагайн харваа гэсэн дөрвөн төрлөөр зохион байгуулагдаж байна.

Нээлтийн ажиллагаанд УИХ-ын гишүүн Ж.Эрдэнэбат, Сэлэнгэ аймгийн Засаг даргын орлогч Б.Нарантуяа, газар хэлтсийн дарга нар, мөн өөрийн сумдаас баг тамирчид нь оролцож байгаа сумдын удирдлагууд, Монгол Улсын аварга Г.Эрхэмбаяр нар хүрэлцэн ирсэн юм.

Сэлэнгэ аймгийн Үндэсний бөхийн холбооны тэргүүн УИХ-ын гишүүн Ж.Эрдэнэбатад МУ-ын Аварга Г.Эрхэмбаяр, МУ-ын Харцага Б.Одгэрэл, МУ-ын Начин Ч.Баянмөнх МУ-ын Начин н.Дэлгэрсайхан МУ-ын Начин Н.Баярбаатар тэргүүтэй Таван Хан бөхийн дэвжээний бөхчүүдийн төлөөлөл Сэлэнгэ Лиг 2019 тэмцээний үеэр Хүндэтгэл үзүүллээ.

Биеийн тамир спортын газрын даргын 2019 оны 09-р сарын 12-ны А/304 тоот тушаалаар Спортын мастер цолны болзол хангасан тамирчид өнөөдөр Цолны үнэмлэх энгэрийн тэмдгээ гардан авлаа.

Волейболын Спортын Мастер Ё.Чимгээ
Сагсанбөмбөгийн Спортын Мастер О.Саранзаяа

СЭЛЭНГЭ ЛИГ-2019 СПОРТЫН НААДАМ 2019.10.05-06-НЫ ХООРОНД БУЯНТ УХАА СПОРТЫН ОРДОНД АМЖИЛТТАЙ ЗОХИОН БАЙГУУЛАГДЛАА.

БАГИЙН НИЙЛБЭР ДҮНГЭЭР

ТЭРГҮҮН БАЙР-МАНДАЛ СУМ ШИЛЖИН ЯВАХ ЦОМ
ДЭД БАЙР-СҮХБААТАР СУМ
ГУТГААР БАЙР-ХЭРХ ТОСГОНЫ БАГ ТАМИРЧИД ТУС ТУС ШАЛГАРЛАА

Ж.Эрдэнэбатын нэрэмжит "СЭЛЭНГЭ ЛИГ-2019" спортын тэмцээн амжилттай зохион байгуулагдлаа