Байгалмаа.Ц 2019.12.03 | НИТХ хэвлэл мэдээлэл

НИТХ-ын ээлжит XXIX хуралдаан боллоо

НИТХ-ын ээлжит XXIX хуралдаан боллоо

Нийслэлийн ИТХ-ын ээлжит XXIX  хуралдаан болж байна. Хуралдааны эхэнд орон нутгийн төсвийн тайланг хэлэлцэхтэй холбогдуулан нийслэл дэх Төрийн аудитын газраас санал, дүгнэлтээ танилцууллаа.

Нийслэл дэх Төрийн аудитын газраас нийслэлийн төсвийн орлогыг гүйцэт төвлөрүүлэхийн тулд автомашин эзэмшигчийн торгуулийн орлогыг хуримтлуулах ажлыг эрчимжүүлэх шаардлагатай гэж үзсэн юм.

Мөн 2020 онд үр ашиггүй урсгал зардал нэмэгдсэнийг буруулах зөвлөмж өглөө. Мөн зарим аж ахуйн тооцоот үйлдвэрийн газрын санхүүжилтийг хасах саналтай байгааг илэрхийллээ.

Нийслэлийн ИТХ дахь МАН-ын бүлгийн санал, дүгнэлтийг бүлгийн дэд дарга Ц.Байгалмаа танилцуулсан бөгөөд хэлэлцэж буй асуудлыг дэмжиж буйгаа илэрхийлсэн юм.

Харин нийслэлийн ИТХ дахь АН-ын бүлгээс авто зам ашигласны төлбөрийг нэмэгдүүлэх, зарим эд хөрөнгө, хуулийн этгээдийг өмчлөхийг эсэргүүцсэн юм. Тус бүлгийн дарга, төлөөлөгч Ц.Баатархүү санал, дүгнэлтийг уншиж танилцуулсан бөгөөд “Багш, эмч нарын урамшуулал, гэр хорооллын дахин төлөвлөлтийн болон Ахмадын орон сууцны хөтөлбөрийн санхүүжилтийг нэмэх” зэрэг таван саналыг гаргалаа.

Хуралдаанаар:

  • Нийслэлийн 2019 оны төсвийн хүлээгдэж буй гүйцэтгэл
  •     Нийслэлийн ИТХ-ын 2019 оны 26/23 дугаар тогтоолд өөрчлөлт оруулах тухай
  •     Нийслэлийн 2020 оны төсөв батлах тухай
  •     Авто зам ашигласны төлбөрийн хувь хэмжээг шинэчлэн тогтоох тухай
  •     Нийслэлийн 2019 оны газар зохион байгуулалтын төлөвлөгөөний биелэлт
  •     2020 оны газар зохион байгуулалтын төлөвлөгөө батлах тухай
  • Нийслэлийн өмчөөс 2020 онд хувьчлах хуулийн этгээд, эд хөрөнгийн жагсаалт батлах тухай зэрэг асуудлуудыг хэлэлцэж, шийдвэрлэнэ.