Улсын Их Хурлын Эдийн засгийн байнгын хорооны өнөөдрийн (2019.12.04) хуралдаан 11 цаг 07 минутад гишүүдийн 52,6 хувийн ирцтэй эхэлж, “Төрөөс мөнгөний бодлогын талаар 2020 онд баримтлах үндсэн чиглэл батлах тухай” Улсын Их Хурлын тогтоолын төслийн эцсийн хэлэлцүүлгийг хийлээ.

Энэ үеэр УИХ-ын гишүүн Ц.Гарамжав 

Мөнгөний бодлого сүүлийн 4 жилд тогтворжиж байгаа. Гол зохион байгуулагч Монгол банк мөнгөний бодлого дээр илүү хариуцлагатай байх хэрэгтэй. Өмнөх 4 жилийн үйл ажиллагааг 2016 онд УИХ-аас ажлын хэсэг гаргаж шалгахад олон асуудлууд илэрч байсан.

Улсын валютын нөөц байхгүй болсон, Эрдэнэсийн сан асуудалтай болсон байсан, Долларын ханш огцом савлаж улс орны эдийн засагт асар их хохирол учруулж байсан. Цаашид долларын ханш, мөнгөний бодлогыг тогтвортой байлгахад Монгол банк ямар бодитой тодлорхой үйл ажиллагаа хийх гэж байгаа вэ? Монгол банк хууль зөрчиж дураараа маш олон зүйл хийдэг. Хариуцлагтай тогтвортой баймаар байна.