Хүмүүс биднийг яагаад Т.Чимгээ, Б.Содномдаржаагийн төлөө зүтгээд байдаг юм гэдэг. Яагаад гэвэл Т.Чимгээ, Б.Содномдаржаа гэдэг бол Монголын ард иргэдийн эрэгтэй, эмэгтэй хүмүүсийн төлөөлөл. Энэ хэрэг ингээд замхрах юм бол, энэ хэрэг дэлхий нийтийн өмнө Монгол Улсыг шившиг болгоод Монголд дарангуйлал тогтох юм бол дахиад хонгил ажилласаар байх л юм бол хүн бүрийг, хэнийг ч ийм хувь заяа хүлээж байж мэднэ.

Т.Чимгээ, Б.Содномдаржаа нарын асуудал бол зөвхөн тэдний асуудал биш, өнөө цагийн нийт монголчуудын хүний эрхийн асуудалд ноцтой заналхийлсэн асуудал гэж ойлгох эрхтэй. Одоо олон нийтэд Т.Чимгээ, Б.Содномдаржаа нарын кэйс л мэдэгдэж байгаа болохоос, ийм хэлмэгдүүлэлт, хүний эрхийн аймшигт зөрчлүүд маш их байгаа. Өнөөдөр таны дэргэд зүв зүгээр ажиллаж амьдарч явсан, таны танил, ах дүү хамаатан садан, хажууд чинь суугаа таны хамтран зүтгэгчдэд чинь ийм аймшигтай хэлмэгдүүлэлт тохиохгүй гэх баталгаа алга нийгэмд бид амьдарч байна. Одоо л засч, залруулахгүй бол таны, бидний үр хүүхэд, ирээдүйд үүнээс ч дор хүний эрх зөрчигдсөн нийгэмд амьдрах болно.

Ийм болохгүйн төлөө л бид явж байгаа. Биднийг Т.Чимгээ, Б.Содномдаржаа хоёрын төлөө яваад байна уу, тэгвэл чамайг ингэнэ ээ, дарамтална аа, ах дүүг чинь дарамтална аа гэдэг. Хүний эрхийн төлөө тэмцдэг, хамгаалдаг хүн бүр энэ асуудалд анхаарлаа хандуулахаас өөр аргагүй.

Л.Болд: Т.Чимгээ, Б.Содномдаржаа нар бол монгол эрэгтэй, эмэгтэй хүмүүсийн төлөөлөл