Чикагод ‘‘Монгол авьяас боловсролын чуулга уулзалт’’ боллоо
2019.12.17

Чикагод ‘‘Монгол авьяас боловсролын чуулга уулзалт’’ боллоо

Монгол Улсын Боловсрол, соёл, шинжлэх ухаан, спортын сайд Ё.Баатарбилэг Америкийн Нэгдсэн Улсын Чикаго хотод зохион байгуулагдсан ‘‘Монгол авьяас боловсролын чуулга уулзалт’’-д оролцлоо.

Америкийн Нэгдсэн Улсын Илленой мужийн Чикаго хотод үйл ажиллагаа явуулдаг ‘‘Монгол авьяас’’ академийн санаачилгаар зохион байгуулагдаж буй тус арга хэмжээнд хүрэлцэн ирсэн АНУ-ын муж, хотуудаас тѳлѳѳлѳлд Монгол Улсын Засгийн газраас боловсрол, соёл, шинжлэх ухаан, спортын салбарт баримталж буй бодлого болон чѳлѳѳт ярилцлага хийлээ.

Ё.Баатарбилэг сайд чуулга уулзалтад оролцож буй иргэдэд хандан ‘‘Монгол авьяас’’ академийн үйл ажиллагааг улам үргэлжлүүлэн, Америкийн Нэгдсэн Улсад сурч, амьдарч буй иргэдийн хүүхдийн авьяасыг хѳгжүүлэх боломжийг бүрэн ашиглахад Монгол Улсын Боловсрол, соёл, шинжлэх ухаан, спортын яамны зүгээс шаардлагатай бодлогын дэмжлэг үзүүлэхэд бэлэн гэдгээ уламжиллаа.

Дашрамд дурдахад тус академи нь Америкийн Нэгдсэн Улсын Ерѳнхий боловсролын сургуульд суралцаж буй монгол сурагчдад тухайн сурагчийн авьяас, биен онцлог, хүүхдийн бие бялдарын хѳгжил, монгол хэл, түүх, соёлыг тусгай боловсруулсан спортын сургалтын хѳтѳлбѳртэй уялдуулан зохион байгуулж байна.