Л.Энхболд 2019.12.26 | Vip76.mn

УИХ-ын гишүүн Л.Энхболд тойрогтоо ажиллалаа

УИХ-ын гишүүн Л.Энхболд 2019 оны 12-р сарын 16-22-ний өдрүүдэд Өмнөговь аймагт тойргийнхоо иргэдтэй уулзаж, тэдний санал хүсэлтийг сонсож, асуудлуудыг ярилцлаа.

12-р сарын 16-нд Цогт-Овоо сумын ирэгдтэй уулзлаа. Цогт-Овоо суманд уул уурхайн компаниуд үйл ажиллагаа явуулж эхэлснээр сумын 10 гаруй булаг шанд ширгэсэн байна.

Энэ байдал нь эцэстээ орон нутагтаа малаа хариулах боломжгүй болж байгаад нутгийн малчид бухимдалтай байна. Орон нутгийн удирдлагуудын хувьд ч энэ асуудлыг салбар яамнаас зөв бодлогоор зөв шийдээсэй гэж хүсч байгаа бөгөөд өнөөдөр ийм байдал үүссэн нь өмнөх бодлогын алдаатай шийдвэр байсан гэдгийг ч тэд хэлж байсан юм.

Нутаг орныг хөгжүүлэхэд зүтгэж ажиллаж чадах хүнээ сонгуулийн үеэр жирийн иргэн нам бус хүнээ харж саналаа өгч баймаар байна, аймаг сумын хилийн маргаантай асуудлыг шийдэж өгөх, багийн төвийн гэрээт ажилтны орон тоог батлах, ямар нэгэн томоохон бүтээн байгуулалтын ажил хийгдэхэд тендер авсан ХХК-иуд хариуцлагагүй ханддаг тал дээр анхаарч хариуцлага тооцдог болгох зэрэг асуудлуудыг хөндсөн юм.

Дараа нь Цогтцэций сумын иргэдтэй уулзав.

Цогтцэций сум нь хүн амд эзлэх амьсгалын тогтолцооны өвчлөлөөр сумдаас хамгийн өндөр үзүүлэлттэй байна. Цогтцэций сумын хэмжээнд оношлогдсон өвчлөлийн 4.3 хувь нь амьсгалын тогтолцооны өвчлөл байгаа ба нийт өвчлөлд амьсгалын тогтолцооны өвчлөлийн эзлэх хэмжээ жил бүр нэмэгдсээр 32.7-оос 55.7 хувь хүртэл өссөн байна.

Сумын төвийн орчимд тоосжилт ихсэж өвчлөл нэмэгдэхийн зэрэгцээ сэтгэл санаа, эд материалын хохирол үүсч байгааг иргэд онцгойлж байлаа. Мөн хууль бусаар оршин сууж байгаа Гадаадын иргэдтэй холбоотой асуудлыг орхигдуулахыг тэд хүссэнгүй.

2019.12.20-НД Ханбогд суманд ажиллаж      иргэдтэй уулзлаа.

Ханбогд сумын хувьд ярих сэдэв ихтэй уулзалт нэлээд удаан үргэлжилж олон асуудлуудыг хөндсөн юм. Тухайлбал Иргэдийн төлөвшил улс төрийн соёлын асуудал, Оюу толгойн асуудал гэрээ, ажилчдын ажиллах орчин нөхцөл цалин хөлсний шударга бус байдал, росстерийн тэгш болгох асуудал, төрийн дээд шагнал хавтгайрсан эзнээ олохгүй байгаа асуудал, Цагаан хадны орчин нөхцөл тоос тоосжилт тэнд амьдарч буй иргэдийн өвчлөл нэмэгдсэн асуудал, Усны асуудал гэх мэт хүндрэлтэй байгаа олон асуудлуудаа гишүүндээ хэлж хэлж байлаа.

Мөн энэ үеэр шинээр ашиглалтад оруулсан 29-р Цэцэрлэг, Хан дизель ӨНӨҮГ Шүүхийн шийдвэр гүйцэтгэх албаны шинэ байруудаар зочилж, үйл ажиллагаа орчин нөхцөлтэй нь танилцсан юм.

Дараа нь Манлай сумын иргэдтэй уулзав.

УИХ-ын гишүүн Л.Энхболд Манлай сумын иргэдийн санал бодол, хүсэлтийг сонсож, сонирхсон асуултад нь хариуллаа. Төмөр замын “Эрдэнэ зам” компани малчдын үгийг сонсдоггүй үл ойшоодог бөгөөд малчдын амьдралыг эрсдэлд оруулж байна хэмээн үзэж, энэ тал дээр ямар нэгэн дорвитой сануулга өгөхийг хүслээ.

Мөн төмөр замтай зэрэгцэн оршиж байгаа замын асуудал, соёлын төвийн дээврийн асуудал, хүүхэд хөгжих, сурч боловсроход түлхэц өгөх шатар, даамны дугуйланг байгуулж өгөх гэх мэт ардаа эдийн засагтай асуудлуудыг ч тэд хөндсөн юм. Түүнээс гадна тэтгэвэр бодох жилийг 5 жилийн дунджаар болгож сүүлийн 6, 7 жил гэдгийг болиулах, ЭМД ерөнхий газрыг доод шатанд нь хариуцсан байцаагчтай болгох, нутгийн залуусыг төмөр замын мэргэжлээр сургах гэх мэт санал хүсэлтийг иргэд уулзалтын үеэр хүслээ.

Энэ үеэр тус суманд орчин үеийн стандарт шаардлагыг бүрэн хангасан 100 хүүхдийн цэцэрлэгийн нээлт, ахмадын чөлөөт цагийг ая тухтай өнгөрүүлэх орчинг бүрдүүлэх зорилгоор барьж ашиглалтад оруулсан ахмадын өргөөний нээлт, нутгийн удирдлагын ордны нээлтүүд болж, УИХ-гишүүн Л.Энхболд оролцсон юм.