Нийслэлийн ИТХ-ын төлөөлөгч Ц.Байгалмаа 2019 онд боловсрол, нийгэм, эрүүл мэнд, шинжлэх ухаан технологийн салбарт байгууллага хамт олноо ажил хөдөлмөрөөрөө манлайлан ажилласан хүмүүст шагнал гардууллаа.

Тодруулбал, тэрбээр өөрийн сонгогдсон Хан-Уул дүүргийн I, XV, XVIII, XIX хорооны иргэд, ажилтан, албан хаагчдад нийслэлийн Засаг даргын нэрэмжит шагнал, Улаанбаатар хотын “Хүндэт тэмдэг”, “Нийслэлийн тэргүүний ажилтан”, “Жуух бичиг” нийслэлийн ИТХ-ын “Хүндэт тэмдэг”, “Хүндэт өргөмжлөл” нийслэл хот байгуулагдсаны 380 жилийн ойн медалиар тус тус шагнасныг гардуулан өгсөн юм.

Шагналыг Хан-Уул дүүргийн 115 дугаар сургуулийн гадаад хэлний багш У.Хонгорзул, 67 дугаар цэцэрлэгийн багш С.Цолмон, XIX хорооны ахмад настан Л.Долгор, 52 дугаар сургуульийн жижүүр Ж.Баатар, XVIII хорооны хэсгийн ахлагч Ш.Цэвэлмаа, ШУТИС-ийн Коосэн математикийн багш Ч.Баасанжав, Монгол Коосэн тэнхмийн эрхлэгч С.Төмөрхүлэг, 53 дугаар цэцэрлэгийн нягтлан бодогч Л.Болормаа, арга зүйч Р.Баасанхүү нарын 16 хүнд гардууллаа.

Нийслэлийн ИТХ-ын төлөөлөгч Ц.Байгалмаа шагнал гардуулав